本帖最後由 櫻之道 於 31-3-2014 08:02 編輯
本人作為封測開始試玩嘅玩家,一直到而家,應該都有五年。
相信各位對彩虹島都有一份
唔能夠單單用文字表達嘅感情
好奇怪,好想喊,但又喊唔出。
好唔捨得彩虹島,其實心入面好唔踏實。
諗下諗下,我喊唔出嘅原因,
可能其實係我心入面,彩虹島一早執左,
跟本係好耐好耐之前,好多野已經唔同哂,
“港彩已死”呢啲帖,我都見過唔少,
好多人同事都已經唔存在,什至係呢個過程入面,
有人離開左呢個世界,
要喊嘅一早就喊左。
自問為左呢個游戲,付出左唔少
不論係精神上定係金錢上。
好彩嘅係,我冇後悔過
呢隻game應該為gameone賺過唔少錢,
但gameone你一次又一次令到玩家失望,
包括由某年開始,動漫節攤位已經冇左彩虹島嘅終影,
長期冇更新,客服hea copy and paste回答玩家問題等。
到到今日最後一日,我有期望過GM會出現,
可能係我FF得太勁啦,GM當然係冇上過線。
到0:40分,關閉伺服器之前我有諗過gameone至少會寫一小段野,有啲說話同玩家講咁,
但係,結果係冇。
我唔知大家點睇,不過果陣我心諗,
公告都冇gameone你有冇搞錯
你係遊戲出個小公告都好呀?
彈人之前寫一段仔野都好呀?
一齊同玩家倒數都好呀?
但最後,乜都冇,就無拿拿彈人走
898都冇句。
如果咁岩去左廁所或者轉個頭3秒就會唔知發生咩事。
GAMEONE,估唔到,到最後,你都係令我好撚失望。
希望作為版主,可以為隻Game出最後一分力
彩虹島於三月三十一號正式關閉,感謝玩家一直以來支持同愛戴。
好對唔住各位,我呢個無能嘅版主,乜都冇做到,
對唔住kit版,我冇令到個版“發揚光大”
有緣千里能相會(好似係),再見各位 |