好5好玩?同天龍8部比邊個勁?
我睇完官網覺得麻麻
令狐傲龍 發表於 27-4-2011 21:53 
同天龍八部係好相似...
相似既地方有:
1)刷小,鹿鼎叫金頂亂世(國內簡稱JD),一樣都係入去門派場景刷怪,只不過鹿鼎係打防守戰~(相似度85%)
2)刷棋,鹿鼎叫吆五喝六(國內簡稱56),一樣都係入副本殺D唔識攻擊既怪~
D怪都係一樣會係一定時間之後變成骰妖(56係打骰仔)...
但係D骰仔有分3種色(紅白綠),每粒骰仔死左之後就係爆炸,炸到周圍既其他骰仔,
紅色係少血低傷害,白色係中血中傷害,綠色係高血高傷害...(相似度75%)
3)科舉(呢樣其實好多GAME都有),基本上除左D問題唔同之外,其他野一模一樣~
4)生活技,相似度高達88%~(其他GAME都差唔多...)
5)挖寶,鹿鼎叫吳三桂寶藏,一樣係有寶圖,一樣係有得入副本,但係唔係開寵書...(相似度80%)
6)水牢,鹿鼎叫鰲拜藏兵庫,都係入去殺怪執值錢野拎番出去賣~(相似度80%)
7)三環,鹿鼎叫小寶夢境,其實呢個唔算太似,事關三環來來去去都係3個副本,而小寶既夢總共有10個~
而咁多個夢入面,只有1個夢係一定要過左關先成功,就係噩夢根源,其他夢都係有特定方法過...
咁我所講既相似係邊度呢?!其實係每日既參加次數,每日五次...
如果夾硬要同天龍拉D關係既話,小寶同三環的確係幾似~(相似度50%)
8)伙伴之一,珍獸,冇咩好講,基本上同天龍一樣,又係有技能,又係有得生仔...(相似度80%)
9)又一個伙伴(鹿鼎可以有3個伙伴),尾,一直覺得呢個名好怪...
BTW,同天龍既武魂差唔多,又係可以提供技能俾玩家用,又係有得加屬性等等...(相似度60%)
10)屬攻,鹿鼎叫信仰,有6種:冰,火,電,地,光,暗~
除左種類多左之外,仲有樣唔同既就係玩家可以自由選擇加入2種信仰~(相似度65%)
當然啦,如果全部一樣,咁我玩番天龍唔好?!一定有D野係唔同而又吸引到我既~
1)角色有六大型態,唔再係好似天龍或者其他GAME咁得一種身形~
男同女各自都有大中細3個SIZE~
2)場景建築等遊戲設計都採用Q版風格,應該係用來配合番主角韋小寶既年紀掛...
不過個人認為呢種風格應該比天龍更加吸引女性玩家(認真的)~
3)玩家可以有私人住宅,MMORPG好少呢類系統,有左間屋可以玩好多野的~
4)一人三職,天龍雖則係多門派,但係只能夠單修~
5)天賦系統,比較討厭呢個系統,事關D天賦點難拎,而且D天賦書又要有本書激活左先升得...
不過如果升齊佢係好屈機的~(天賦書要刷JD先有,仲要係極少機會)
6)雖則同天龍一樣有幫派系統,但係鹿鼎同時有幫派系統亦都有家族系統~
7)上面講左3種伙伴既其中2種,剩低個種叫傭兵,你可以當佢係第2隻珍獸...
8)誇服平台,所謂既外域星球其實就係誇服平台,由PVP進化成SVS...
連副本都可以同第2個SER既玩家對戰~
上面提到可以一人三職,可能佢會有興趣想知道更多...
鹿鼎入面一共有6職,某程度上同天龍既某D門派差唔多:
1)猛將:血牛,血防閃最高成長率(經過本人計算,猛將成長係整體最好),有狂暴,增益等狀態...
天龍換算方式:80%少林+5%丐幫+15%明教
2)劍客:刺客,外攻會心最高成長率,有隱身狀態同埋特有既連擊段,控技亦都係最多既1個~
天龍換算方式:80%天山+15%丐幫+5%明教
3)火槍手:定位應該係獵人,各項成長率都係垃圾,攻擊距離最遠,多樣陷阱,有破隱身及隱身技能~
天龍換算方式:60%逍遙+40%天山
4)賢士:法師,內攻真氣最高成長率,有氣盾,解冷卻,回氣,瞬移等技能,特多減速技能~
天龍換算方式:90%武當+10%逍遙
5)藥師:醫生,會防最高成長率,有回血技~
天龍換算方式:100%峨嵋
6)隱者:祭師,命中最高成長率,有吸血,回血,血換氣等技能,亦有多元化既增益狀態~
天龍換算方式:80%星宿+15%天龍+5%峨嵋
總結:係幾好玩,有初初玩天龍個陣既感覺,希望呢個感覺可以維持到九陰公測...
如果要同天龍比邊個勁,我覺得鹿鼎好玩少少,全因一個活動:滿漢全席~
想了解更多既可以上官網睇,或者係度講聲我再打多篇~ |
[複製鏈接]
發表於 23-4-2011 12:00:20