本帖最後由 曖在鬼瑪★ 於 28-2-2010 08:05 編輯
請支持一下,回覆後方可觀看相關圖片
【這文章屬HKCC 中國香港遊戲機資訊網 @ leomakcw版權所有】
因任記電視廣告及假期效應影響之下，本人分別被三個家庭強迫幫手買Wii仲要軟改埋，
過程中領會到咩係有錢就大哂o既道理，現時疫症仍在擴散開去，好快我又要再幫第四個
Friend沉淪Wii海。不過尋日行黃金問價發現假期後一輪洗禮大部份Shop已將該產品升回
正價，搜購過程中亦因此而有些得著在此便與大家分享一下~
- 心態~
通常買o野o既人可分為三種：
1) 窮奢極侈型：價錢唔係問題最緊要買得開心用得放心，咩膠槍結他大手入貨要玩就買
2) 窮困慳家型：跑三四個場幾十間鋪格價只為左慳$10蚊，唔係最平唔買仲要講價求贈品
3) 精打細算型：又要平又要正，相同產品會搵齊三個級別作比較，深明最貴唔一定最好
小弟同好多初學者一樣，初時會係(2)o個種人，後尾至知買左次等貨曾經變左(1)那種人
，買多左幾次後交左唔少學費開始轉型(3)那種識得揀過度過，而且比以前更為小心謹慎
- 心得~
係人都知Wii Sports Resort香港行貨套裝賣緊正價但仍比早兩過月前買平$300-$400，
一鍋蜂衝去各大電器連鎖反斗城趕住聖誕假期前入貨，好多人怕去電玩零售店買係擔心
容易被騙，但其實呢D場貨品選擇性多而且更便宜。唔可能話實邊間係黑店白店定黃金
鐵鋪，只可以話唔同的店員會因應客人不同的要求而提供不一樣的服務，單係講買Wii
主機套裝已經可以做出多個價位。
條數係咁計o既：唔係熟客剩買主機一Set當然收你正價$1799，如果搭埋塊WiiFit平衡板
識做的店員會減到$1750，再識做D會叫你買多Set手制連MotionPlus 2P減到$1700，通常
要玩齊Resort/WiiFit Plus呢班以上配件根本係必買，仲有就係你明知原生4.2J版主機
係Read唔到正版以外的一切碟片要行USB Load，咁其實隻正版Resort中文都係得個擺字，
嘗試詢問店員會唔會收返再賣(唔一定收唔好強求)，得就又可以減到$1600，埋單找數
慳到的零錢已經足夠買隻普普通通的USB硬碟機行Loader，至起碼唔駛Over Budget。
- 心計~
唔係話貪心，有時只係想用最平的價錢買到心頭好，價錢OK就會俾錢，但其實仲有好多人
未知新版主機Firmware和光碟驅動設計已杜絕一切改機晶片和翻版光碟用途，當然一心只
為玩正版碟一般都唔會有咩影響(但韓版改機聽講玩將來的碟更新會變磚呢樣則另作別論)
，當然十居其九會問有無得改機o架？合法地佢o地當然話唔會做，但會建議你買一些相關
配套如SD卡/USB硬碟等，如果再話你知無呢D就玩唔到「其他Game」你可能一時心急就地
買埋，店員即使開天殺價你都會欣然接受，咁之前幾精打細算的功夫都會變得蕩然無存。
另購配件時亦需留意原廠與副廠貨的分別，副廠貨唔一定係次等貨，o係買o既時候無指明
要正貨的話有時唔覺意就會提供o左次貨俾你，請大家參考o下買錯"流Wiimote和Nunchuk"
[真假對照]。(在#2)仲有一個建議就係購買USB硬碟你未必需要聽店員講要買最快最新，
受限於傳統USB Port規格的限制其速度快極有限，基本上一隻普普通通二手40-80GB的IDE
Notebook舊硬碟機已勝任部Wii行USB Loader有餘，以80GB為例一般可以儲存40-50隻
以上的Games，如果有人有壞Laptop唔要不妨同佢接收呢D垃圾，再加翻個$20-30蚊USB
硬碟盒建構成本實在係可以一低再低，大家不妨參考o下以上的建議。
(如對以上內容不滿或有錯漏，煩請指正或提供有用的更新以公諸同好。) |
[複製鏈接]
發表於 12-2-2010 07:27:32
變色卡
樓主
發表於 19-2-2010 13:55:37
