找回密碼
 註冊
查看: 3869|回復: 22
收起左側

佢係咪...唔愛我了......?(更新!!)

   關閉 [複製鏈接]
發表於 24-3-2010 00:17:02 | 顯示全部樓層 |閱讀模式
本帖最後由 小.丁.丁 於 10-4-2010 20:50 編輯

*要大家睇咁多字真係唔好意思...但係我真係好迷網......*
同呢個男仔一齊左個幾月...
記得未一齊之前佢對我幾好的......
每日都會打比我同sms...
sms如果遲左一陣冇回佢會打返比我解釋返原因......
佢可以為左等我/同我傾電話同sms而唔訓住......
我病左既時候會裝作生氣...怪我為何不多穿一件衣服......
但係日子過去了...
總覺得同佢一齊左之後...呢一切也改變了......
一齊左之後差唔多每次都係我聊佢傾計先...
電話每次都係我打比佢先...
sms即使係同台佢都唔會再sd...
佢情願同d fd sd......
有次陸運會搭車既時候...
我唔同佢一架車...但係佢同佢d fd一架車...
不過佢同佢d fd唔係一齊坐既...
但係後來我知道左佢同d fd係到sms...
我真係好唔明lo...同一架車都要sms^^
係咪真係咁重要呀^^?
個fd係女仔黎既...
但係我嬲既唔係果個女仔...
而係......我覺得佢根本唔緊張我...
就好似佢d fd比我重要好多好多倍咁......
夜晚同佢msn佢10點2就話要訓...
咁我驚佢累呀ma...咪比佢訓先lo......
但係到最後我發現原來佢呃我lo......^^
我竟然......見到佢11點40分係facebook到留cm^^
放學既時候我只係想佢等我一陣...一齊走...都唔得......
佢既原因就係因為想早d返屋企...
咁我都會體諒佢既......
因為我唔想逼佢做d佢唔鍾意做既野......
但係......
佢等d fd竟然可以等到7點都唔介意......
而我唔舒服既時候佢可以一句關心都冇......
我上堂果陣落左去sick room d野係個課室到冇拎到...
但係到最後幫我拎返既竟然只係我格黎果個同學......
我地一齊左咁耐都未真正出過1次街......
因為好多時一係就我唔得閒...一係就佢唔得閒...
不過佢有時得閒都會話唔得閒...唔想出嫁啦......
有時又話要溫書...結果就係打左成日機......
對於佢呢d種種既行為...其實我真係會唔開心......
但係即使我唔開心...
我都會扮到好開心...咩事都冇......
目的只係唔想佢見到我唔開心...
跟住又會唔開心......
我好努力咁維繫大家既關係...
忍佢...當咩事都冇發生過......
自問一齊左咁耐我都只係發過佢一次脾氣......
但係最後換來的是什麼......?
就係一句......"不如...我地做返朋友吧"^^

件事係發生係今日既......
因為佢坐我格黎...
所以佢上堂果陣冇啦啦同我講話唔要你......
但係我唔肯定佢係講笑定認真......
我只係知......lunch time果陣我呢埋喊左好耐......
但係喊完之後咁又點......??
咪又係要扮到冇野...咩事都冇發生咁......^^
夜晚我打返比佢問佢今日講果句說話係咪認真既......?
佢"你話呢"
我"我唔知...不如你講啦......"
佢"諗下啦"
我"我諗唔到呀...我真係唔知...不如你講啦好唔好......?"
佢"如果你知既話就唔洗你諗啦"

再夜少少我問多佢一次...
跟住佢就話佢自己都唔知......
咁樣......佢係咪e經唔再鍾意我啦......??
係咪我做得唔夠好......?
但係我真係e經好努力......
我唔知再應該點做好......


事過2日之後...
佢d fd問佢仲鍾唔鍾意我...
佢話仲鍾意lo......
但係佢就叫d fd唔好話返比我知...
不過有個fd就偷偷咁話返比我知~~
我真係唔明lo......
仲鍾意又點解要分手......?
佢到底想點嫁??
不過果晚...
就算個fd唔話返比我知我都feel到......
果晚我同佢加加埋埋傾左成2個鍾電話......
記得上一次同佢傾左咁耐都e經係1個月前多d既事了......
而係電話到...
我講左話我有次好唔開心...我喊...跟住果個朋友陪住我...
跟住佢就係咁問我咩事......"
係咪關佢事既......
其實當然係啦......但係我唔敢答佢係......
我同佢傾傾下有人打黎佢又係咁問係邊個黎既......
好似好在意咁......
跟住佢仲問我...仲有冇鍾意佢......
我真係唔知應該點答......
我其實仲好鍾意佢既...但係我冇咁答到......
我真的可以相信佢嗎......?
由於就黎要統測既關係...
所以我就答左佢話完左個統測先答佢......
但係最令我驚訝既係...
佢竟然想約我出街......
因為同佢一齊左咁耐...我同佢都未正式出過一次街......
佢話有套戲好想睇...
跟住我咪話咁你咪睇lo...
咁佢就叫我陪佢睇了......
果日夜晚我地傾到好夜...傾到都成12點幾(佢平時10-11點就訓嫁啦)
就算我果陣叫佢唔好訓住...陪我傾多陣佢都唔制......
但係果晚佢竟然同我講話"你唔想我訓咁我咪唔訓住lo..."
跟住又話因為想同我傾計......
到底佢想點姐......!!??
回復

使用道具 舉報

發表於 24-3-2010 03:57:29 | 顯示全部樓層
仲有陸運會, 妳應該仲讀緊書;
作為一個旁外人睇, 就當然可以話妳知, 個男仔已經唔愛妳, 或者無左初初一齊既感覺;
朋友, 每個人都會重視, 男女都一樣, 重視朋友唔代表唔受另一伴; 妳要明白.
但前提係, 情人之間, 都總會有情人的行為;
關心, 著緊係一種; 小氣, 計較亦係另一種...
但照妳上述既內容, 果個男仔, 唔似妳男朋友, 似一個普通朋友多D...

路過既, 唔講太多...
只覺得, 既然佢都同妳咁講, 就唯有好好接受...
因為無論妳點做, 點諗, 點抗拒, 又或者點強迫地一齊落去, 都無意思...
女仔, 將來一定有大把機會~ 到時妳就會搵到一個令妳知道咩是愛既人 =]

以上說話你可以唔聽, 唔接受,
But anyway, 加油啦...
回復 支持 反對

使用道具 舉報

發表於 24-3-2010 07:06:15 | 顯示全部樓層
本帖最後由 'LEAH迷囝:) 於 24-3-2010 07:07 編輯

個男仔8成都係想分手`
你問佢係米認真;
佢都可以話吾知既-^-`
甘我覺得都吾駛點期望.

同埋你係做得吾夠好`
話你吾好並吾係講;
你對佢愛得吾足夠-^-`
而係你吾好既係;
你吾應該係到忍;
收埋收埋甘;又吾同佢講`
你係可以令到佢覺得無野`
但係受傷既反而係你.口.`
甘係無理由;因為傷既應該係佢`
依家變左係你羅..

但係吾駛驚a0a`
以你甘既樣格;
搵吾到好男仔既話`
都係男仔吾識貸;)
回復 支持 反對

使用道具 舉報

發表於 24-3-2010 08:04:46 | 顯示全部樓層
分手啦
我見佢MSN D態度可以話串
根本就已經玩完
再唔決斷一D 我怕你比人玩
就算佢想同反你一起 都唔好答應
總之
回復 支持 反對

使用道具 舉報

發表於 25-3-2010 01:13:57 | 顯示全部樓層
分手係解決方法之一,係咩方法都唔得先要用到,
唔好忍啦,分手啦...愛情有時要忍讓一下,
唔可以咩都唔忍,分手呢句說話唔好亂講,
好大件事架...
不過你地學生哥,咩都岩岩開始,
男仔個腦未發展到咁快,
只係識玩、識食果D
無女仔思想咁成熟....
如果你話佢係咪唔愛你,
你倒不問佢,
愛係咩黎,喜歡又係咩黎,
呢點要搞清楚,
時下好多人都分唔清楚咩叫愛,
只知道眼叫果個人順眼,
想同佢傾計玩,只是單純的喜歡,
愛要負擔的,好複雜的。
回復 支持 反對

使用道具 舉報

發表於 25-3-2010 19:47:08 | 顯示全部樓層
我諗佢對你 無feel啦...
又唔可以話你好or唔好, 唔同人鐘意唔同野...例如:有d人唔鐘意女仔成日好緊貼,自己極需要私人空間...

最後,以局外人看法... 節哀順變...
回復 支持 反對

使用道具 舉報

發表於 27-3-2010 01:16:43 | 顯示全部樓層
一個咁好既女仔佢都唔珍惜
同佢分手吧
我覺得佢遲d都會飛你
從佢既態度都知佢已經有d想唔要你
回復 支持 反對

使用道具 舉報

發表於 27-3-2010 19:58:53 | 顯示全部樓層
本帖最後由 p445hkk20001 於 27-3-2010 06:16 編輯

may be he wants to return the love
you can keep that
and then,you watch his mind
回復 支持 反對

使用道具 舉報

發表於 27-3-2010 23:06:05 | 顯示全部樓層
女人心海底針,男人心比海深,要知你條仔有咩諗法的確好難,但係之前你男友可能係因為某種原因諗唔開,例如一齊耐左,厭左。有第3者or你太煩,or佢心態轉變左,咁呢某幾種原因就會令佢做成一種想分手既沖動,冇左個種感覺,但係問題就在於你地已經一齊左幾個月,有一種依賴感,亦可以話佢一時既沖動過左先認清左自己,總之就係對你放唔低,當然亦有責任感作怪,不過未必係主因,由你比既資訊我只能比呢d意見,順便問一問你諗深一d你有冇係佢面前你唔覺意黑口黑面,佢問你咩事你右冇事呢d類似既事發生?
回復 支持 反對

使用道具 舉報

 樓主| 發表於 28-3-2010 14:37:46 | 顯示全部樓層
回復 9# acv1143050
有嫁...我有時係真係會唔覺意係佢面前黑口黑面...
因為我好多時都會覺得佢唔在意我......
基本上係我冇咩安全咁...
好似人地拍拖個個男朋友都好鍚自己女朋友...
我係會唔開心的......
但係我又唔敢話比佢知wo...
驚佢會覺得太大壓力/辛苦......
咁久而久之...唔開心耐左有時可能會冇意中反映左係塊面到
回復 支持 反對

使用道具 舉報

您需要登錄後才可以回帖 登錄 | 註冊

本版積分規則

快速回復 返回頂部 返回列表