有空的朋友可以進一進來嗎!? 本人...剛分手了...

心v森v相v印

抱歉...阻到甘多位樂古朋友既時間...只不過本人真係好唔開心...我琴日分左手...我琴晚個心痛到訓唔到覺...痛到喊...

呢個女仔...我喜歡了她雖然只有短短一個多月(未一齊之前)...果陣佢有男朋友...雖然我知我自己好喜歡佢...但我沒出聲...因為我唔希望介入人地感情...我每日睇佢日記...睇住佢同佢男友好幸福...表面上我好替佢開心...但其實我好心酸...係果段時間...有幾次佢同佢男友嘈...佢話介手...我好擔心...我即刻msn add佢開解佢...好彩最後都沒事...我不斷比意見佢...希望佢可以同佢男友繼續落去... 雖然我係好喜歡呢個女仔...但我都唔可以甘衰想整散佢地...

結果...呢段日子...維持左一個幾月...佢地散左了...4月20日...我再add佢...叫佢唔好唔開心...我係甘哄佢...佢發現我喜歡佢...佢仲問...不如我同你一齊啦...我好開心...應承左佢...我跟她不是同一間學校的...而她年齡比我小...我16...佢12...可能差別好大...但我地傾親計係沒代溝的...

佢因為屋企問題...所以唔可以出街的...我同佢一齊左29日...沒同佢出過街...只係限於msn/sms/傾電話...我今次...我真係好認真談呢一場戀愛...我第一次感覺到自己原來都可以擁有幸福...

琴日...下午...本來我跟她約好了...我會出去接她放學的...我出門口的時候...天色突然轉黑...繼而下起大雨...是不是個天都知琴日下午會發生甘既事?

我出到去...我好開心...我第一次感覺到自己係一個稱職既男朋友...我同佢一把遮兩個人用...好開心...但...佢好小野講...我起初以為佢係因為怕羞...所以我沒留意...送佢番屋企既途中...我地好開心...有講...有玩...有笑...我真係覺得自己幸福到極點...送到去佢樓下...佢唔想番屋企...係到兜黎兜去...我好甜...真係好甜...

番到去...開msn...我覺得...佢語氣有小小怪...佢話好支力...我問佢...我第一次送你番屋企...係咪好開心呢...我下次再送你番屋企啦...佢話嗯嗯...跟住...我仲成個傻仔甘樣...去將今日幸福既事打上去日記同朋友分享一下...唔夠半小時...佢同我講...''唉 我唔想自己呃自己了'' 我見到呢句 心跳勁快 我已經大約估到咩事 但我仲係唔信 因為佢應承過我永遠唔會離開我 呢個係我地彼此既承諾

我仲笑笑口扮唔知甘問佢咩事 佢話''我地不如唔好一齊住啦 我發覺自己中意左第2個'' 我呆了...心痛得很勁...她說...呢個男仔佢本身都對佢有feel...只不過之前因為小小事而一齊唔到...但今日她說她跟他其實還是喜歡大家的...還很有feel...而且我們在上午已經一起了... 我呆哂...上午已經一齊左...甘點解下午仲要扮沒事叫我去接你!?點解仲要扮好開心!?我是被玩弄了嗎!?

佢問我會唔會嬲佢僧佢...老實講...我唔會...因為我同你一齊果陣...我應承過你...只要你覺得有其他男仔比我更好...更可以比幸福快樂比你...我會放手的...今次...我遵守我對你的承諾...但你對我既承諾又點呢?我本身諗住諗d方法慶祝今日520 係我地一齊一個月...估唔到甘就沒了...你應承過我以後只會愛我...一世同我一齊...你沒做到...你呃左我...我琴晚沒同你嘈...因為...我還很珍惜呢份愛情...

琴晚...我真係喊左...我以為只要專一...真心對一個人...就會有真正既愛情...原來事實唔係甘樣...愛情變得太快了...專一既話受傷既只係自己... 琴晚佢講完分手之後...佢真係變得好快...語氣冷淡左勁多...msn同日記既野改哂...本身話喜歡我...但已經改做喜歡第2個...

我不會再相信什麼愛情...什麼承諾了...全都是假的

冷傲

我狠心D講
12歲小朋友思想都未成熟
你鐘意佢本身就係錯
佢話想介手就知佢心智都未開
12歲就想介手?
大左咪想跳樓?

心v森v相v印

可能係我愛錯啦... 我唔知佢會甘樣的...頭先佢同我講左好多次對唔住...佢話佢知自己好衰...佢既朋友都話佢好賤... 呼...我真係唔知點好... 種感覺好辛苦... 一切變得太快了... 我要習慣番沒左佢既日子真係好難..

冷傲

回復 3# 心v森v相v印
老實講你好細路
咩習慣番沒左佢?
你同佢相處左幾耐
1日? 咩習慣番沒左佢既日子
咪玩啦

心v森v相v印

係...我認自己好細路...我同佢相處左雖然唔耐...但我日日慣左同佢sms/msn/電話  今日突然沒左佢係到 真係好唔慣

SithVader

中一介手,珍重朋友

心v森v相v印

中一介手,珍重朋友
SithVader 發表於 20-5-2010 16:43

    ~_~押韻

SithVader

珍惜家人的愛吧!

心v森v相v印

回復 8# SithVader


    ~口~一向有珍惜

qq1992

12好細個
我E+18都未玩夠
佢先岩岩開始玩,,有排都未定
我唔可以話個個都係,,但有幾多個咁細個一齊可以長久