找回密碼
 註冊
查看: 8339|回復: 12
收起左側

給新一代玩兵堡的人 (最新更新2)

    [複製鏈接]
發表於 28-4-2011 17:46:36 | 顯示全部樓層 |閱讀模式
本帖最後由 tommytomy 於 22-5-2011 22:47 編輯

以下文章是小弟玩兵堡經驗,絕不是纸上談兵

玩兵堡基本步
先假設,兩邊既文明都係一樣

基本步1,搵齊4個勁fd先玩兵堡
兵堡是4個玩遊戲,整局要玩得完美,就要4個都係好同盟

基本步2,一定要識用z
識禁z呢粒制,唔等於識用z
好多人以為識禁z等於識用z

基本步3,識玩四個國家合兵
多兵圍少兵(唔合兵既人),多兵個邊實贏
而唔係話緊我文明剋你,所以我就去單挑去打你,呢個玩法係錯
你地要學識,點樣4個國家一齊打人

基本步4,要有基本常識
例如,要記熟哂各文明出兵速度,特性等等

基本步5,要有多兵vs少兵概念
假設8國文明相同,距離會同士兵數量成反比
8p同1p同一款文明,8p一開始好快衝去1p位,可能個8p先得20隻兵,1p就有40隻兵,試問20隻兵又點打贏40隻兵呢
我所講玩法唔一定係儲兵唔出,大家可以咁玩,例如1p去2p門口,4p去3p門口集兵,之後唔好行前,等對手衝過黎先

基本步6,不停補兵,唔好儲兵太耐
d兵係前線打緊,如果唔keep住補兵上前,前線就會唔夠兵
特別係玩波斯既人,唔好諗住儲夠40隻象先出,10幾隻象就應該要出,不停上前打,免得同盟係前線孤獨作戰
波斯防守方面,可以叫同盟幫手,唔需要自己守
例如塞特藍武士突擊波斯,戰象行就咁慢,當然唔夠快走返屋企救自己。但同盟國例如拜占庭跑得快,可以好快走去救波斯,所以波斯跟本唔需要自己守。

基本步7,明知唔夠打,或者感覺到唔夠打,就唔好再打,即刻閃人
你地要學識保留實力,睇到打得贏先至用z衝,睇到打唔贏就即閃,就算比人地搶合兵既地利位置,都要即閃。

基本步8,反應快+控兵準
即使唔係玩兵堡。玩綠亞都係講究呢兩樣技術
老實講,相比綠亞,兵堡算係一隻易學易精既遊戲
講到易學:兵堡真係好易學
講到易精:如果大家都識得玩4國合兵,兵堡遊戲模式係有絕對步驟,而唔係大家所想千變萬化。
如果你地純水想練反應快+控兵準,唔係練習兵堡點玩
我建議你地唔好玩兵堡,練反應+控兵技術一定係綠亞好d

兵堡攻防教學

進攻方法1,同盟合作
首先我會講一件發生過既事。隊1 塞法維匈 vs 隊2 日中條土
睇到呢個文明,大家一定覺得隊2有條頓贏硬。
但3p就話:「信我,一齊攻條頓」,跟住隊1所有人都去哂條頓度,10分鐘內殺埋佢。
結論:玩進攻,一係就唔好攻,一係就全部國家一齊攻

進攻方法2,文明+玩家實力,兩者相加起來比敵人強,先好進攻
曾經發生過一件真事。隊1 不中條日 vs 隊2 拜塞馬西
隊1文明比較弱,不過幾經辛苦,都壓住隊2黎打,去到7p(塞特)淺灘外出口,分開左8p同7p同56p合兵位。
跟住條同日玩家話:「攻塞特」
跟住我話:「而家佢地合唔到兵,我地食住分先仲好,唔好攻住。」
跟住條同日玩家唔聽話,攻塞特,最後攻唔成塞特,仲要比隊2壓返轉頭
我叫條頓同日本玩家唔好攻塞特,有以下原因
1.條頓日本玩家實力本身唔高
2.中國,不列顛,條頓,日本,全部都行得慢。敵人既拜占庭+馬雅+西班牙跑過黎救人有幾難?
3.不列顛+中國一齊入埋黎塞特,佢兩個國家都唔係打堡國,入到黎除左食分之外就冇用
4.就算不列+中國守出邊唔攻,單憑佢兩個國家,跟本冇可能守到
結論:文明+玩家實力,兩者加上來比敵人強,先好進攻

進攻方法3,遠兵+近兵進攻方法
遠兵打左右兩旁封位兵,之後打城堡
近兵用黎吸箭同埋打城堡
土耳其,西班牙,韓國,法蘭克,都係打堡好勁既遠距文明,先打城堡都冇問題
不列顛,馬雅,蒙古等等打堡弱國,我建議先打左右兩旁封位兵先

防守方法1,跑得快國家,救跑得慢國家
例子,塞特快攻波斯
跑得快同盟國家例如拜占庭,可以即刻跑去波斯度打塞特兵
波斯戰象步速唔夠快跑返屋企
所以跑得快國家,可以幫跑得慢國家做防守

防守方法2,封位
好多玩家沒有做這步驟

防守方法3,步兵防守論
步兵係城堡前邊用z,城堡射箭,死守城堡

防守方法4,弓兵防守論
弓兵放係城堡後邊,因為弓兵少血,而且愈多愈勁

防守方法5,以經驗估計玩家玩法
個人分析1,例如 隊1 西中匈馬 vs 隊2 法阿塞日
我可以同大家講,匈奴一定係最易比人殺死,因為匈奴係近兵,而且防守力低
就算匈奴冇比人殺死(比人封住左),其餘3弓兵國就會失去匈奴呢個強盾,變成弓兵國冇盾
個人分析2,例如 隊1 韓蒙阿波 vs 隊2 匈塞日土
呢場隊2好大機會先去阿茲度
因為隊2一方面要方便配合土耳其同日本(行得慢)合兵,第二方面隊2要將隊1弓兵國同步兵國分開

論四國陣型

陣型一,3近國1遠國 (強陣)
3近國要識得保護那1遠國
那1遠國要識得係盾後邊食分,唔好死兵
因為那1遠國係食分既主力,其餘3近國用來做盾

陣型二,4遠國 (弱陣)
4遠國一定要先防守,後進攻
初期,遠國多數都唔夠近國打(兵量與遠國特性問題),所以大家玩4遠國一定要守左先
而我所講既守,唔係叫人地儲兵唔好出,而係1p去2p位,4p去3p位,跟住四國合作,等對手黎先,殺左對手頭批兵之後先推返上去

陣型三,4近國 (強陣)
近國大多數出兵快
你地可以主動先去對手個度,搶地利位置,搞到對手合唔到兵,之後先再攻
或者直接快攻也可,但快攻時,你地最好遵守上文「進攻方法2」理論

陣型四,3遠1近 (弱陣)
呢個陣的1近國未必足夠做盾護哂所有遠國,所以有需要的話,可以搵多1~2個遠兵國做盾,而火力強的遠兵國就係後邊用黎食分

陣型五,2遠2近 (中陣)
呢個陣只要2盾國夠勁,就唔需要好似「陣型四」咁,搵遠兵國做盾

4國合兵初期玩法

玩法一:先快速搶地利位置
好處:搞到敵人合唔到兵
壞處:去到敵人位置時,兵量一定比敵人少(假設8國相同文明)
最基本,1p先同2p合兵,4p先同3p合兵
之後就判斷,去5678p邊一個出口度最好。
我就會那樣想去邊個度先
1.分隔遠兵同近兵文明
最基本,aoc有兩種兵,一種係遠兵,另一種係近兵。最基本配陣一定係遠兵+近兵
假設56p係遠兵,78p係近兵。那麼就將56p同78p分開,遠近兵分離
2.先封行得快既打堡國
以免被突擊擾亂合兵陣。
3.封能夠打堡的國家
以免被偷襲擾亂合兵陣。
4.封行得快既國家
行得快,可以好快走去幫同盟
行得慢,唔可以好快走去幫同盟。
所以,先封行得快國家,讓行得慢國家慢慢走出來獨自作戰。

玩法二:先毀滅敵人城堡同軍營
好處:令敵人少d兵
壞處:賭博成份高。
如果係玩想打城堡,我建議一係就全部國家一齊攻,一係就全部國家都唔好攻。
同埋一定要有好多快攻國先可以用呢招 (即使好多快攻國,我都係建議用玩法一比較好)

玩法三:先守後攻
我所講既守唔係叫人儲兵唔出,而係1p出去同2p合兵,4p出去同3p合兵
之後就估計敵人會去邊個度先,就係個個位置同敵人開打。
好處:在自己位置,兵量一定比敵人多
壞處:唔清楚敵人會先去邊度
如果自己team好多弓兵,就一定要用呢招,因為起初弓兵出兵慢,實力弱,跟本鬥唔贏出兵快既近國。

如果要玩先守後攻,去邊度合兵先最好?
1.行得快既文明,先去行得慢既文明度
原因:要先合兵,行得快既文明可以好快走去同盟度合兵,行得慢既文明則不可。
2.用遊俠監視敵人動向,估計敵人會去邊,之後再決定去邊個同盟度先
3.(經驗話我知)敵人多數都會去2p/3p位6p/7p位度先,因為方便分散對手
若果2p位被封,2p同1p分開,1p又會同34p分開
若果1p位封,都只有1p同234p被分開,咁起碼至少有3個國家合到兵先。
4.臨場應變,反應要快,同盟要超合作,隨時換位
假設134p用遊俠監視到或估到敵人去緊2p度,那麼134p立即走去2p度合兵。如果敵人突然轉向3p度,那麼全部人就要即刻走去3p度同敵人決一死戰,總之反應一定要快。如果大家玩兵堡8國文明相同:這時,team1兵量一定比team2兵量多(假設team1沒有人儲兵),因為team1在自己的地利位置。
所以我想同大家講,只要大家識得臨場應變,隨時換位同敵人決死戰,以多敵少盡快把敵人殺光,敵人d兵少左,對自己team一定有利,呢個就係先守後攻玩法。我認為呢個「玩法三」比起「玩法一」更保障。
首先team2(先去team1度搶位)控兵難度絕對比team1(守自己位置)高
因為
1:team2兵量比team1少
2:team2距離team1位於遠,難補兵上前
有d高手用「玩法一」,呢種玩法那種壓住人黎打感覺,可以誤導到d新手以為呢種玩法勁。
我實實在在同大家講,若自己team不是有好多騎/步兵國同埋高手,我建議大家用「玩法三」
大家看見可以用「玩法一」搶到人地位置,我認為有如下原因
原因一:高手 vs 中手or新手
原因二:文明實力有差別
原因三:守方4國一開始冇集兵,比人地集兵既team多打少

玩法四:對住相剋既文明打
基礎知識,唔多介紹

玩法五:封人
唔多介紹

玩法六:順其自然
順其自然都有分兩種
一種係肉手順其自然,即係亂咁玩
另一種係高手順其自然,即係高手們唔洗點講野都知道點打
所以我建議大家,唔好盡信順其自然呢種玩法

4國合兵的後期玩法

1,前期壓住敵人打之後,如果你冇打堡國,就等到出村先算
2.前期壓住敵人打之後,如果你覺得以盟唔識攻人,就唔好攻,等到遲d出村先算。
3.前期壓住敵人打之後,盡量先滅敵人波斯,因為波斯升帝出村後好變態(打薩拉森除外)
4.前期壓住敵人打之後,盡量先滅敵人打堡國(防止打堡國敵人儲兵突擊)
5.前期壓住敵人打之後,盡量不要先滅敵人步弓國,因為步弓行得慢,一出來只會被包圍,跟本就唔洗主動滅佢,佢都會走出黎送死
6.明知道贏硬,都唔好hea玩,驕兵必敗。

論文明 (簡述)

文明1,近兵
在前期,近兵國平均實力比遠兵國強
塞特,拜占,波斯,日本,是極強的近兵國
較弱近兵國維京,阿茲
比較特別近兵國有哥德,條頓,匈奴。哥德對弓兵特別勁,條頓對近兵特別勁,沒有薩拉森時,匈奴與同盟配合得特別好
近兵國玩法就是做盾,或者是用z打人

文明2,遠兵
在前期,遠兵國平均實力都比近兵國弱
大多數高手玩遠國,都會係盾後邊食分,而唔會同近兵國單對單作戰,即使單對單作戰都會用好多兵先敢同近兵打。
在前期,不顛列,蒙古,中國 都是弱的遠兵國
韓國,土耳其,西班牙都是強的遠兵國
法蘭克斧兵攻速與普通步兵一樣的遠兵國
薩拉森奴隸兵是剋騎的遠兵國

3高手打4弱者戰法
3打4,其實唔係一d好難既事(對於高手)

戰法1,多兵vs少兵
弱者玩多數唔會合兵一齊打,勁人多數會合兵一齊打
不停地,3個國家 vs 1個國家,跟住又3個國家 vs 1個國家
慢慢消耗敵人實力,自自然然就可以做到3打4呢種玩法 (呢種玩法對住高手無效)

戰法2,識用z vs 唔識用z
用左z步兵比起冇用既勁一倍,用左z弓兵識得行前之餘仲識得自動殺人
用左z比起冇用z勁好多,要打冇用z既人其實冇咩難度

戰法3,識相剋士兵
基本知識,我諗我唔需要詳解

如何做到多兵vs少兵效果?
1.4國集兵一齊打
2.感覺到唔夠打,就唔好衝任何兵上前,寧願儲兵都唔好衝上前送死
3.多兵圍少兵,殺到敵人冇兵為止,顯得自己一方比較多兵

如何觀察同盟有沒有用z?
以橫陣為例,用左z士兵,打人之前一定係打直排列。冇用z士兵,打人之前一定會變返橫排列

論兵堡公平戰爭
玩隨機文明是不可能會有公平情況
要用兵堡來決一高下的人,兩方文明必須相同

論訓練實力
兵堡係一隻易學易精既遊戲
如果你們想係控兵技術方面有更深層次進步,我建議你們唔好用兵堡去訓練,玩綠亞,死鬥等等會比較好
如果純水想在兵堡遊戲有更深層次進步,那你們就要多多練習兵堡
回復

使用道具 舉報

 樓主| 發表於 28-4-2011 17:46:48 | 顯示全部樓層

論文明

本帖最後由 tommytomy 於 12-5-2011 03:15 編輯

近兵國

維京
好處:狂戰士識補血
壞處:狂戰士沒有特別出色的優點
玩法:3遠國1近國個陣就做盾,4近國個陣就不停用z打人
死餘個幾隻兵補血,之後再打,維京冇咩特別既玩法,做好自己本份,就係最強既玩法

有人話維京好弱,我諗有兩個原因
1.以冇用z角度去諗維京
2.軍營冇左,或者冇出劍兵
有人話維京殺敵少升帝快
當哥德,匈奴做維京對手,維京食分升帝當然快
當條頓,拜占,波斯做維京對手,維京升帝當然會慢
所以維京殺敵少唔等於升帝快。維京升帝快唔快要視乎咩情況同打d咩兵。
有人話維帝好勁,要維京殺多d人快d升帝。我就建議大家,唔好勉強維京殺敵升帝,因為維京打d唔岩打既文明,只會送分。

阿茲
好處:升帝快 + 剋步 + 有鷹勇士
壞處:平均實力弱
玩法:3遠國1近國個陣就做盾,4近國個陣就不停用z打人
佢同維京玩法好相似,不過阿茲特克可以剋埋步兵。
升帝後,升徵兵配埋劍兵勇士一齊出,文明實力超強。

塞特
好處:升帝快,出兵速度極快
壞處:好少高手控到佢出兵咁快
玩法:3遠國1近國個陣就做盾,4近國個陣就不停用z打人
呢個文明真係有好多人用唔到佢100%實力,而塞特100%實力就係不停補兵上前線,基本上大家玩塞特都係用唔盡佢d兵(因為佢出兵太快)
仲有一點好重要(好多人都冇做),就係藍武士配合埋劍兵一齊出。

條頓
好處:近甲防強
壞處:行得慢,出兵較其他步兵國慢
玩法:3遠國1近國個陣就做盾,4近國個陣就不停用z打人
用條頓武士前,有一樣野希望大家要注意,條頓武士衝左上前,就唔好諗退後,因為條頓行得太慢,退後未必退得切。所以同盟一定要好好配合條頓武士,唔好比條頓係前線白白送分。

日本
好處:打咩城堡兵都加攻
壞處:步兵國之中升帝殺敵人數較多
玩法:3遠國1近國個陣就做盾,4近國個陣就不停用z打人
有一樣野希望大家要注意,就係盡量唔好用日本武士去盾,多d打人
如果日本武士唔打人,只用來做盾,咁佢同維京狂戰士有咩分別?

哥德
好處:弓防強
壞處:近防弱
玩法:3遠國1近國個陣就做盾,4近國個陣就不停用z打人
我建議大家,唔好自己故意走去後邊打弓兵,呢種玩法大多數都係送分。我建議哥德應該先配合同盟,先打哂前邊d兵,之後先再打後邊d兵。哥德做盾吸箭比其他步兵勁。仲有一樣野好重要,就係要保護軍營。

拜占庭
好處:剋步,行得快
壞處:出兵有少少慢
玩法:3遠國1近國個陣就做盾,4近國個陣就不停用z打人
除左剋步兵之,拜占庭仲有一個好處
如果對手步兵打你同盟屋企,拜占庭聖騎可以好快走去同盟度,唔洗d行得慢既國家例如波斯自己走返屋企度救自己。
所以,拜占庭是防步兵快攻既最強國家。

匈奴
好處:弓防高,行得快
壞處:出兵慢
玩法:3遠國1近國個陣就做盾,4近國個陣就不停用z打人
同哥德玩法一樣,唔好故意走去後邊打弓兵,盡量配合同盟,先打前邊d兵,再打後邊d兵
仲有一樣好重要既野,就係唔識玩匈奴既人唔好亂咁快攻,匈奴雖然有名叫做快攻國,但唔一定要玩快攻,配合同盟做盾一樣可以好勁
特別係升帝之後,3+4弓防,馬雅不列顛蒙古只扣匈奴1血,再加上有徵兵令,同埋行得快,唔計打弓兵,只計做盾已經好勁。

波斯
好處:血攻防高
壞處:出兵慢,行得慢
玩法:3遠國1近國個陣就做盾,4近國個陣就不停用z打人
戰象玩法同條頓武士一樣,衝左上前,就冇得退後。所以同盟一定要好好配合戰象,唔好比戰象係前線白白送分。
同埋玩波斯盡量唔好儲完兵先出,因為波斯要儲好多兵需要好長時間,如果波斯儲兵儲太耐,同盟又打唔掂對手,就會比人搶哂d合兵位置,合唔到兵,就會被孤立,被孤立後,如果大家響台區玩兵堡,戰象一定會比人拉兵屈死。

近兵國配合弓兵國個陣,實用度排名,個人意見
波斯>拜占庭>日本>塞特>哥德=條頓>匈奴>阿茲>維京
維京,阿茲,塞特升帝之後,實力會特別勁左,同埋排名會唔同左
波斯>拜占庭>帝塞>帝阿>帝維>日本>哥德=條頓>匈奴

弓兵國

不列顛
好處:射程遠
壞處:行得慢,低攻,血少
玩法:在盾兵後邊食分

中國
好處:少許高攻
壞處:行得慢
玩法:在盾兵後邊食分

蒙古
好處:行得快
壞處:出兵慢,低攻
玩法:在盾兵後邊食分,盡量不要死兵

土耳其
好處:高攻,射程遠,出兵快
壞處:行得慢
玩法:在盾兵後邊食分

西班牙
好處:行得快
壞處:出兵慢
玩法:在盾兵後邊食分,盡量不要死兵

韓國
好處:血多
壞處:出兵慢,外型太大
玩法:在盾後邊食分,盡量不要死兵

馬雅
好處:出兵快,行得快
壞處:低攻
玩法:在盾後邊食分,盡量食步兵

點解弓兵國教學咁簡單?
因為弓兵國本身就係咁玩
除非你地鐘意單對單作對,咁我冇野講
如果唔夠盾,就搵d弓兵做盾。火力大既做攻擊,火力弱既做盾
或者順其自然,射程愈近愈做盾。

弓兵國實用度排名,個人意見
土耳其>韓國>西班牙>中國>馬雅>蒙古>不列顛
弓兵國多數都係在盾後邊殺人,唔應該死兵,所以我覺得,攻擊力愈高既弓兵國就愈實用

特殊國
奴隸兵
好處:剋騎
壞處:出兵慢,射程近
玩法:在盾後邊食分/衝上前做盾
盡量對住敵人騎兵用z

法蘭克
好處:攻速快
壞處:射程近,行得慢
玩法:在盾後邊食分/衝上前做盾
佢既玩法好似弓兵國,不過對住條頓會會吃香d咁解
回復 支持 反對

使用道具 舉報

發表於 30-4-2011 15:02:06 | 顯示全部樓層
等我睇完篇文學玩兵堡先
回復 支持 反對

使用道具 舉報

 樓主| 發表於 1-5-2011 21:41:48 | 顯示全部樓層
本帖最後由 tommytomy 於 10-5-2011 19:07 編輯

至於點樣同d唔熟既人合作??
1.了解同盟有冇意識玩合作
第1步先睇下同盟,有冇做呢個步驟「1p去2p門口,4p去3p門口,集兵」
如果冇做呢個步驟,即代表同盟冇合作意識,那時你要提醒同盟合作。同埋教佢地點樣合兵。
第2步,睇下同盟有冇自己衝上前打人
如果有既,你就要立即提醒同盟不要單獨作戰

2.了解同盟玩法
第1步先睇下同盟識唔禁z
步兵禁左z之後(橫列陣),步兵打人之前一定係打直排列,冇用z既人打人之前一定係變返打橫排
如果有同盟係玩步兵但唔識用z,你可以教下佢用z,如果佢都係唔識用z,你可以叫佢引做盾,或者引d兵過黎比弓兵國食分。
第2步睇下同盟有冇成日儲兵唔出
有既,即代表同盟沒有多兵打少兵的意識。那時,你就要提醒同盟,盡快補兵上前線,免得前線士兵被多打少,同埋向同盟解釋清楚點解要多兵打少兵。

3.了解同盟實力,再配合他們
如果你地睇得出同盟實力弱,就唔好叫佢地做d太難既事(例如快攻)
安守本份反而會玩得仲好

4.了解文明特性
如果同盟唔了解文明特性,那你就教佢應該點打。

5.了解文明特性+同盟實力
例如,同盟玩哥德。同盟唔識用哥德從後打弓兵,你可以叫佢幫同盟做盾。

6.認真咁玩
兵堡唔同evo ffa,兵堡係4個人玩既遊戲
你自己1個唔想認真玩,唔等於其餘3個同盟唔想認真玩,玩得4人合作遊戲,大家都應該認真咁玩,若果你認為你不能認真咁玩,我建議你唔好玩兵堡以免影響其他玩家。
兵堡唔同evo ffa,你自己一個人玩,你認唔認真咁玩我覺得冇問題。

7.比d耐性咁玩
有人會覺得悶,急於進攻人。如果你文明+同盟實力都唔對手既勁,我建議你們真係唔好攻。即使擔心再唔進攻對手,對手升帝後會好勁,我都係咁講,文明+同盟實力唔夠對手既勁,就唔好攻。比d耐性等機會。
到村戰,大家打左好耐都冇結果。但只要比d耐性,就一定有機會贏(贏個d冇耐性既人)。

8.對唔識既人,都要相親相愛
如果team人為左d事而嘈交,又點樣合作落去?

ps我本人冇玩兵堡一段時間,唔太清楚樂古d人近期玩成點,如果大家覺得我講既野好out好唔合理,別見怪
回復 支持 反對

使用道具 舉報

發表於 2-5-2011 13:36:04 | 顯示全部樓層
多謝分享
作呢篇野果個真係有好心
睇哂呢篇野果個真係好有耐心:lol
最好就是實戰 吸收勁驗 俾人罵下 就會進步
回復 支持 反對

使用道具 舉報

發表於 5-5-2011 10:41:32 | 顯示全部樓層
傻仔都開貼教人,吹到帳一帳
回復 支持 反對

使用道具 舉報

 樓主| 發表於 5-5-2011 21:59:58 | 顯示全部樓層
傻仔都開貼教人,吹到帳一帳
子不語 發表於 5-5-2011 10:41

你講到我咁差,不如你開貼教人
比大家見識一下
回復 支持 反對

使用道具 舉報

發表於 9-5-2011 11:29:54 | 顯示全部樓層
樓主講野我唔同意 如果次次都主守係一定錯
因為有時中左d文明,係要主攻,主攻唔係話要攻人城,係搶地利,搞到人地合唔到兵,如果場場都如樓主咁講,大家各自各合冰打,最後只會係睇邊邊文明好就贏,無變化
打機都係要用隻手,唔係得把口講講下就得。
回復 支持 反對

使用道具 舉報

發表於 9-5-2011 21:46:29 | 顯示全部樓層
支持樓主開post
好耐都冇一個咁有耐性打咁多野教人玩aoc的post
回復 支持 反對

使用道具 舉報

發表於 28-6-2012 21:47:32 | 顯示全部樓層
咩係兵堡
回復 支持 反對

使用道具 舉報

您需要登錄後才可以回帖 登錄 | 註冊

本版積分規則

快速回復 返回頂部 返回列表