到底分手是否正確的決定......?

黑木＊鈴︴

半年既感情終於由自己親手畫上句號了......
係呢半年黎,,大家都有試過分開,,離離合合...
但之後都一齊返......
只不過......我地之間存在既問題同差異似乎太多了......
之前我地幾乎每日都見面,,就算冇都會傾電話/wtsapps,
但係自從佢返左工之後我地相處既時間真係減少左好多好多......
初初佢lunch既時間都會打黎同我傾1-2句,,
但係如今就連放左工都唔會即刻搵我......
佢係做社區中心既工作,,
我知道佢返工真係好忙...
又要幫手帶d小朋友既course,,帶佢地出去玩同埋去camp,,
所以真係冇咩時間陪我......
但係我知道佢真係好鍾意呢份工同小朋友,,
從佢成日都同我講中心裹面d小朋友既事可以睇得出,,
所以我都冇咩點怪佢,,只係有時會唔係好開心姐......
但係問題係我同佢唔同,,我唔太鍾意小朋友,,
所以每次佢同我講呢d野既時候我都好無奈,,
我有同佢反應過,,話我真係好想佢可以放一日假陪下我,,
但係佢每次都話唔放得,,又話公司好忙果d......
不過我真係唔明點解佢之前可以請假去陪d朋友去camp都唔陪我......
我都係人黎既......
我都只係想自己男朋友可以抽多少少時間陪下自己姐......
唔通咁樣都有錯咩......?
我一個星期夜晚要返2日學,,
而放學既時間通常都係佢放左工之後既時間,,
我只係想佢可以黎接下我,,等大家可以見下面姐,,
但係佢成日都話好累...一時又話第2日要同d小朋友去camp,,所以要汁野唔得閒......
再唔係就話返左屋企之後丫媽唔比佢出黎......
但係我真係唔明,,
都咁大個人啦,,
點解成日都冇自己既主見,,丫媽話點就點......
我真係好寂寞......
佢9月1號開學,,
咁佢份工選擇做到8月31號,,
但佢咁鍾意份工我都冇怪佢既,,
我只係擔心遲d開左學之後大家都會好忙,,
會更加少時間見面姐......
但係佢竟然話到時返左學之後都仲會選擇返返去公司幫手做義工......
我真係唔明......
大家相處既時間已經好少嫁啦,,
點解佢仲要令願返返去幫手做義工都唔選擇陪下我wo......
有時我真係好懷疑到底份工係咪真係仲重要過我......?
我只係諗......或者我對佢黎講已經唔再重要了......
也許分手係唯一既一個令大家都唔洗再艾架既方法......
但係我同佢講左分手之後佢係咁喊......
聽到心都痛......我都忍唔住喊了......
到底我係咪真係做錯左......?
我真的不懂了......

leekongwa

既然你地分手cry到咁
就證明你地仲係好愛大家
可能佢真係好多野做呢
一齊左就係要咁
大家就下就下就得架啦
今次分左手 我建議你地係返埋一齊
睇得出你男朋友好愛你 復合就要搵個時機

drumricky

見唔見面都係其次姐
如果你真係愛佢 見多d會愛多d 見少d會愛少d嗎?
就係在乎於大家心入而有對方就夠了
我女朋友去左澳洲讀書都冇得見佢
但我仍然咁愛佢

i7391v

勸和不勸離哦  異地不可怕

乂冰之魂乂

對你 愛既定義 太膚淺
這麼輕易可以分開你的就不是愛情
你有跟他說過你的需求嗎?
不是全部男人都能猜到女人在想什麼
有時間坦白些,讓雙方討論一下 (感情可會更好哦^^)
你在想想 大家可不可以發展下去吧
"既然是相愛,就不可以輕易放棄"

0926082467

感謝分享...3Q

kyang88

樂點: 15

19662279

回復 1# 黑木＊鈴︴

樓主呀

我相信，唔係每一個人都有共同既意向


但係只要大家既大方向相同，唔理係咩事


都真係可以2個人夾到


你地仲係愛大家家`


點解要咁可惜?


你可唔可以試下同佢一齊去做義工?

傲邪一少

回復 8# 19662279


    十分認同