找回密碼
 註冊
查看: 11245|回復: 33
收起左側

[心得分享] 情困「我」,純分享 (字海,謹入)

    [複製鏈接]
發表於 29-6-2013 02:40:11 | 顯示全部樓層 |閱讀模式
本帖最後由 傲邪一少 於 29-6-2013 02:45 編輯

一個17歲既少年(就18嫁啦),
你話佢成熟,又唔係好成熟,
你話佢幼稚,又唔係幼稚。

一個同其他人一樣既平凡人,
一段波動曲折故事。
(到最後應該,純係傾訴不滿)

(我份人應該係負面派)

自問榮升做版主後,
你話我有冇做到咩,我又唔覺我有做過野。(唔好罵我)
都係宣傳下,交流下,傾下心得,吹下水,玩下活動咁,

到依家其實都有諗過辭退,

一,近排真係好忙啦
二,自己感情事上,都出問題。就會心諗(自己憑乜去幫人解決問題呢?)
三,其實我一聽到某幾個字就幾反感,(e.g. 教我溝女啦/戀愛版主/等等啦)
反感還反感,但冇咩特別
其他種種原因等等啦,但有時諗過,
自己既責任係咪應該做好佢呢?


自問唔係一個好男朋友,各方面都唔係,
但我又唔係話果D賤男,
純係一個普普通通(太有主見)既男生(對住女性先係= =我認為啦),

所以外人經常看到,就我地好幸福,話我曬命咁啦,
咁邊個會知道,背後...........
三日嘈一嘈,
一個月紀念日前後,就黎個大吵大罵(當然我就好堅持我既立場)
但唔係冇用佢既想法去諗過,做過,
我應該做既都做左,
當然係部份細節上,口不對心依D啦,我完全係認為你講既就係,
唔想估估下,拍拖拍到好似比武咁,太辛苦,
我都係想甜甜蜜蜜拍拖,或者咁講,過下半世,

即使咁,佢好多時我都知道,佢對我有幾好,
所以每次嘈,我都盡量唔用自己既諗法,同會氹番佢(男仔必須做吧?)
咁就黎七個月啦(復合),我唔係講咩投訴,
只不過係依七個月入面,佢講左幾多次分手呢?(十隻手指數得曬?唔該搵人借多隻手比我。)
--(路人甲: 你諗下啦,你女朋友同你講咁多次分手,係咪你做得唔好,令佢傷心,做得太衰先???)---
唔知點解好多時,就會有咁既,路人甲呀乙呀,出黎幫女主角,

我唔否認我做得唔好,令佢傷心,做得衰,
但..你(路人甲)咁姐係範圍式攻擊,姐係要末殺我姐?
一對情侶一齊,總會有吵罵吧?
總會有爭執吧?總會有一個做錯吧?

做得唔好既,咪自己認為冇問題既野,

我認為我做得好既,
唔係花心,唔係一腳踏兩船,
(P.S.唔否認會望令女。)
只是發生爭執,唔會好似白癡咁,發癲講曬絕情傷人既說話。


雖然我有我既原則,有我既主見,
但其實係我多數接受佢,

最令我地成日發生爭執既原因係,
其他女性吧??(唔否認有較多或者較傾得埋既女性朋友)
咁有幾個係真係傾得埋,
其中一個,就我女朋友係好唔滿意好憎既,(之前拍拖果陣已經係,仲做左好無禮既事>我女朋友)
咁我都知啦,
咁我都盡量保持應該要做既野,唔好太親密咁啦(我指合照)
但佢(女朋友)都係唔滿意,

謝師宴影張相,Q下手有幾閒?(我係咁諗),
我比你地諗下,
冇錯,我係有女朋友,唔應該同其他女仔咁親密,
但Q下手有幾親密,
佢同我講,唔比QQ下Q上床,
我即刻講:你乜野意思?
你侮辱我都算,侮辱我朋友(男女都有啦)
姐係咁,好,都唔緊要啦。(路人乙,老婆奴,淆底王)
我因為你,就要放棄我既朋友?
我明白你重視我,但你既做法(講埋出黎),
就要放棄我既朋友,六年既朋友,就因為你而放棄?(我自認,我重視朋友多D,當然其實我依家重色輕友多D)

根本上同佢唔係0溝通,係溝通唔到,
佢堅持立場,我點游說,都冇可能,
多次既我,改變,有時都諗緊我仲係咪我自己,

最後姐係我都係純分享下,傾下咁,
唔係話我背後講佢,佢有時會睇樂古,唔知佢會唔會睇到啦。

相愛多麼既容易,肯踏出,你可能成功,但連那一步你都唔肯去踏出,
咁真係到此為止,

但相愛容易,相處,相信....比相愛更難,
交心容易嗎?
所以唔敢嘗試既你們,為何要怕,人生就係要不斷嘗試,
千萬不要學我就可以了,自己問題解決不了,還幫人,真係可笑

潛下水啦各位^0^

各位有咩你既意見或者睇法,對我既不滿,可以一一留言,或者PM我,
我都想睇下你地既睇法,有時候盲點依樣野,唔係我要突破就睇到,
另外依篇文章99.99%係真實故事,

(0.01%,潛水就呃你地)

希望你地有咩既睇法,話我知啦,
唔好純抽水,純罵,
希望真係得到良好既建議,去改善自己既不足。
回復

使用道具 舉報

發表於 29-6-2013 03:14:00 | 顯示全部樓層
女仔人家嚇下醋係好正常姐
佢咁講都係關心你,仲著緊你
你咪讓一步比佢發下脾氣囉,係就係佢都有講錯野(我知你講你有咁做)
你當佢發UP風都好 同佢嘈係嘈吾過(CUZ我之前都好似你咁嘈足幾日)
等佢發完囉咪同佢講下次吾會咁,多數都會WORK(吾知你)
希望你明解啦下
回復 支持 反對

使用道具 舉報

 樓主| 發表於 29-6-2013 03:33:28 | 顯示全部樓層
女仔人家嚇下醋係好正常姐
佢咁講都係關心你,仲著緊你
你咪讓一步比佢發下脾氣囉,係就係佢都有講錯野( ...
kcc98790 發表於 29-6-2013 03:14


睇黎我進入既境界太高
回復 支持 反對

使用道具 舉報

發表於 29-6-2013 03:56:27 | 顯示全部樓層
回復 3# 傲邪一少


你咩境界太高呀
回復 支持 反對

使用道具 舉報

發表於 29-6-2013 10:18:23 | 顯示全部樓層
本帖最後由 無名小卒=] 於 29-6-2013 10:20 編輯

咁可能你同佢性格不合
睇得出佢好似成日想管住你,郁D就覺得你同其他人有路。
如果男仔接受唔到既話真係會好辛苦,成日係度問呢頭問果路,你解釋完又唔信。
同埋有時真係要諗下,會唔會為左一個女仔放棄班兄弟。
姐係你話個別一、兩個都OK既但係如果見親你既朋友都唔滿意,
咁我覺得你女朋友真係有小小問題。
仲有一樣野,成日嘈交仲成日將分手放係口上面,咩態度?
嘈還嘈,郁D就分手分手,真係唔分都要分。
最後講多句「何必於一起,沒半點信任?」
希望你可以試下同佢多溝通,再唔係大家冷靜番幾個禮拜,睇下仲有冇FEEL。
如果唔係拖住拖住大家辛苦,又要估估下。

拿我真係唔係現場,又唔知你實際做過D咩,但就咁聽你講既話你女朋友真係可能小題大做,
可能你求其同異性傾下計都覺得你花心。
大佬呀,咁都有正常社交嫁,唔代表有女朋友就所有女仔都要避開晒,都可以有紅顏知己姐
回復 支持 反對

使用道具 舉報

 樓主| 發表於 29-6-2013 22:18:06 | 顯示全部樓層
本帖最後由 傲邪一少 於 29-6-2013 22:29 編輯
咁可能你同佢性格不合
睇得出佢好似成日想管住你,郁D就覺得你同其他人有路。
如果男仔接受唔到既話真係會 ...
無名小卒=] 發表於 29-6-2013 10:18



    其實都做得差唔得,亦相信你既推理真係接近完美,
當然我自己就真係有做得差既地方,
唔會特別記得日子,或者係細節上,
其實我都有盡去改,但人不可能完美吧- -

佢自己都有咁講[性格不合],

當然唔知你地點睇啦,
我想堅持落去既原因,係因為相信愛係可以改變事物,(當然我唔會盲目相信愛係可以改變一切)
可能你地就會邊個拖邊個咁啦- -

咁辛苦會有,我諗到我真係堅持不到既時候,應該就係雙方放開之時,
ANYWAY,我唔會希望有咁既一日


拿我真係唔係現場,又唔知你實際做過D咩,但就咁聽你講既話你女朋友真係可能小題大做,
可能你求其同異性傾下計都覺得你花心。
大佬呀,咁都有正常社交嫁,唔代表有女朋友就所有女仔都要避開晒,都可以有紅顏知己姐


如果話有點過份既,我都係認為女性朋友(傾得埋),有一次係FB講>掛唔掛住我?<
我係女方(女朋友)立場諗,OK,咁睇係有D過份,但基於好多時學校都係咁(我意思係指未指拍拖之前
回復 支持 反對

使用道具 舉報

 樓主| 發表於 29-6-2013 22:19:21 | 顯示全部樓層
回復  傲邪一少


你咩境界太高呀 ?
kcc98790 發表於 29-6-2013 03:56



    戀愛經歷
回復 支持 反對

使用道具 舉報

發表於 29-6-2013 23:02:59 | 顯示全部樓層
本帖最後由 無名小卒=] 於 29-6-2013 23:06 編輯
其實都做得差唔得,亦相信你既推理真係接近完美,
當然我自己就真係有做得差既地方,
唔會特別記得 ...
傲邪一少 發表於 29-6-2013 22:18


特別日子呢樣野,其實有咩好去記,咩一個月幾個月又100日幾百日,
我覺得日日令佢開心都OK喇,你記唔記得之前有單新聞,講個女仔搞到咩每個月既14號都係情人節?

我覺得就咁為左日子係又嘈唔係又嘈都幾煩,
愛有時可以改變一切,但希望你唔好盲目咁去追求,好多時你當局者迷。
同埋我仲想講一樣野,拍拖係雙方面,唔係單方面付出/單方面做主動。
你咁樣堅持,有可能大家都仲辛苦,我建議你不如開門見山同佢好好地傾一次。
如果大家仲係傾唔埋真係要考慮分開一下,我都係要講番句,無謂為一棵樹放棄成個樹林。
合久必分,分久必合,人生路上,誰也不能永遠陪誰,可能佢都只係你生命中既一個過客,
睇開D喇,強求反而仲衰。

「掛唔掛住我?」我認為無咩問題,不過語氣好緊要,開玩笑咁問同埋撒嬌咁問係兩回事黎,
根本係觀點同角度既問題,我建議你,唯一可以做既就係係平時確定同佢既關係,同埋真係要同佢傾下,
有咩理由係埋一齊一D信任都冇,咁要拆散你地真係好易姐,求其講多幾句掛唔掛住我你地就散?
我是但開多幾個個FB ACCOUNT 去你WALL留下言你地又嘈咩唔通?
「愛就一個字,卻就一輩子!」但做到既又要幾多呢?

最後補多句,我唔係教你分手,但希望你真係好好地同佢傾,而唔係自己係度死頂堅持,認為遲早有日改變到佢。
回復 支持 反對

使用道具 舉報

發表於 29-6-2013 23:59:29 | 顯示全部樓層
我同我女朋友一齊半年.
同一班前後座位.
嚇下醋就必有.
不過經我既多番拒絕外來女性都冇咩事
(其實都係WTAP 佢唔鍾意咁)

以上外話
以下可能是重點?!
我有個FD佢同佢女朋友合合埋埋十幾次到.
佢女朋友係超易嚇醋同痴身到另人冇自由.
而且道理都唔講只會做自己鍾意既野.
有一次我FD好狠心唔理佢 試下個女朋友搵唔搵佢.
點知個女唔搵.
冇計 做番責任 男仔搵番佢.
點知佢地又嘈過.

但係佢地依然可以起埋一齊.
這就是愛.
愛可以包容一齊.
即使個女仔幾唔好都好.
除非樓主個女朋友重嚴重.
唔係我都勸你分手.
因為你女朋友唔知自己錯邊既話.
到最後你痛苦.
長痛不如短痛

諗諗下啦
回復 支持 反對

使用道具 舉報

 樓主| 發表於 30-6-2013 00:01:46 | 顯示全部樓層
特別日子呢樣野,其實有咩好去記,咩一個月幾個月又100日幾百日,
我覺得日日令佢開心都OK喇,你記唔記得 ...
無名小卒=] 發表於 29-6-2013 23:02



    你講既我都清楚明白,亦都唔係單方面付出,
所以真係好好傾下,其實都有講幾次,只不過。。。。
小事我不上心,大事他不上心,
堅持就係想有改變既可能,
若果真係冇改變,所謂堅持只係一個拖累,對嗎?

係囉最憎D咩咩日子,咩幾個月,幾百日,14號果D仲好黑人憎= =(我身為男生既角度睇)
回復 支持 反對

使用道具 舉報

您需要登錄後才可以回帖 登錄 | 註冊

本版積分規則

快速回復 返回頂部 返回列表