給尋仙的建議

太史慈

尋仙弊病



一. 買 80 點, 只能用 72 點, 8 點留下次累積計, ... 等等

購買仙玉時, 竟然不能完全將一張 GASH 卡的點數使用, 尾數需留待下次購買多另一張點卡後才有可能一併用乾淨 (有可能乍, 如果數口唔精一樣永遠有尾數用唔哂, 浪費金錢)



二. 法寶技

如果你覺得, 唔洗錢可以獲得所有法寶技, 咁你趁早轉 game 啦

如果你覺得, 唔洗任何法寶技都可以玩隻 game, 咁你趁早轉 game 啦

法寶技融合道具, 如果唔想用真錢買, 就只能等限時限量發售, 但系玩過既人都知道, 根本快到買唔切, 試多幾次, 就會發覺, 好似被人玩馬騮咁玩



三. 寵物, 經久裝, 經久武器

以上寶物全部都強勁地增加角色力量, 破壞遊戲平衡

冇錢, 好難得到, 一件半件都勉強得既 !
就算有錢, 亦好難買得齊 ! 隻 game 好呃錢, 完全唔同你客氣 ...



四. 臨執笠, 臨收檔之前, 商城大減價

一如其他 online games, 人流大量減少之時, 從前應該要用錢先買到既物件, 全部都瘋狂大減價

可惜, 人流並因此無增加

只系本身已經洗錢買左既人, 條氣唔順, 走左

其他本身無洗錢既人, 亦繼續唔太願洗錢買果 d 野

結果, 過一段時間, 又再空服



五. 破壞遊戲平衡

舉例子: 今日出一隻寵物, 加 40 點攻擊力, 全 server 得三幾隻, 要用天價先買得到

但係, 往往過一個月之後, 代理往往會出另一隻更強寵物, 加 80 點攻擊力, 價錢同你之前買果隻差唔多, 甚至乎仲會平少少, 早前買左果 d 真係被人耍, 火都來


六. 兩個月就減少分流

開 game 短短兩個月, 就減少分流 (等同合併 servers), 搞到場景裡面, 人多到, 幾乎跑環都做唔到, 人人都玩得好勞氣, 代理好野 !!



七. 外 x 超多

練生活技賣物賺錢, 根本完全搵唔到食, 外 x 既產量比你多, 而且價錢賣得仲平過你, 唔信你等到正式版時, 可以練下生活技試下, 睇下你會唔會發達



八. 遊戲內通貨膨脹

遊戲內通貨膨脹, 你由一級升到二十級, 儲到既錢 (例如 10 銀 ), 其實四十級玩家一日就可以打到; 你升到四十級儲到既錢 ( 例如 10 金 ), 六十級玩家一日就打到 ...... 如此類推

所以你儲來既錢, 永遠買唔起稀有寶物, 想勁, 就去買點卡 > 賣仙玉 > 換幣

而且, NPC 傳送, NPC 材料, NPC 買生活工具, 會隨住角色等級上升, 價錢亦會被系統自動調升, 所以無論你幾勤力玩, 其實永遠僅僅都夠你開銷, 想儲錢??>>>你就唔洗妄想