本帖最後由 [H]痴線多利 於 17-8-2010 20:18 編輯
基本
中間企兵拿資源,都OK重要,不過成日唔記得企
巡邏進攻(即HOT KEY Z)
基本上同實際上D兵會醒目D,會自動攻擊最近架敵人,近身戰贏多好多,新手100%要用,
賣木-有時唔夠石唯有賣木換石,不過小左木,升唔到塔又儲唔到木爆,防守力下降
最好以2弓2近戰配兵,3弓1近/3近1弓多數死得好慘
防守
村民-最重要架防守單位,由於佢可以起門,儲木爆,修塔,比人攻個時出來擋箭,而且機動力強,可以話係救同盟,救自己架強力單位
強塔-個人認為要升兩次,因為升完兩次可以秒到大部份兵種,最小要升1次,因為塔太小血係好易比人一波買起,就算你好多兵防守
進攻-進攻先係最好架防守,e個係防守之中最重要都係新手最做唔到架野
圍塔-近戰單位要係適時間圍塔,咁對手近戰就無機會打到你個塔,(圍塔方法:點大隊兵入塔,塔爆左位咁d兵就會自動圍位個塔)
封位-最近出口牆邊,係高攻弓兵最近可以打到塔架位置,好多時都會停係個到爆塔,所以格拉/羅賓/書部台/成吉入到來最好封一封個個位-v-
進攻
最緊要係用兵用得岩-用兵得宜其實已經贏左一半
爆門-馬弓得閒無野做緊記有理有理都爆人地門先,咁肉盾先有機會打人塔
衝車-有時係好可怕架兵種,不過唔係時時岩用,主要係爆牆用
硬爆塔-近戰兵入到敵陣,有理無理都分10隻左右去爆塔,特別係對手無圍塔更加要咁做
爆牆-爆門可以再起,爆牆就起唔番,不過爆牆多數係弓兵做,肉盾專心爆塔
用咩兵好
步兵
哥王-防箭高,血多,升級升哥德人時實用性已經好高,克晒所有弓兵,可再合威廉/鐵 實用度極高,
艾西-比哥王平200石,血比哥王多,但防箭低,升級時條武真係行得太慢,實用性唔夠哥德高,但亦係步兵上上之選(強烈建議升完再升駱駝+2攻)
首領/拉海-完全唔建議用,血小短命,圓心大,行得慢,防箭低,升級時帝王兵唔實用,最重要係之後再升級威廉/鐵都要用哥王,哥王比佢地實用太多了
威廉-平宜高攻高血高防,除左圓心大同無馬騎之外所有近戰兵種最重要架條件都有,十分實用
鐵-除非有足夠肉盾,/本身係阿茲鐵,否則唔建議用,好多時人地馬弓死守如果無肉盾cover,鐵仔係好難攻得入
織田-唔建議用,除左高攻外一無事處,低防,低血,真係蒙特都屈都佢
騎兵
阿提拉/(西徐+聖騎雙出)-雙出十分實用,聖騎克步,西徐克弓,加上雙出出兵快,可惜雙出攻低爆塔唔夠快,阿提拉雖然係騎馬,但唔知點解當左佢係步兵,聖騎打佢係有加成,
亨利五世-高防高攻,可惜小血,再升級
聖女-血小防低,唔建議用
戰象-唔太建議用,行得慢,圓心太大,升級時帝王兵種唔實用,除非有信心可以好快上到唔係真係用威廉好過,
阿力山大-唔建議用,攻太低啦,爆塔完全唔夠威廉/闊實魯快,真係算吧啦........
闊實魯-可以當佢威廉騎馬版,係防低d,但係兵貴神速,點都係騎馬好過無馬騎=v=
弓兵
蒙古特騎-最實用弓兵,高攻,攻速快,帝王兵價錢,日後升級書部台/成吉實用性大,要留意本身好怕哥王,因為佢防箭高打佢唔入,所以防守方面要特別留意
格拉維爾領主-火力強大,除左成吉之外就數佢同羅賓胡德最高攻,比西火,土火實用,但係貴多200石$_$,建議等同盟升完先再羅賓胡德,除非你係英國佬
神弓手-唔建議用,攻低,無馬騎,同價錢架帖木兒比佢實用,步弓來講射程短,
帖木兒-同神弓手差唔多同樣唔建議用,蒙古特騎好用d=v=
書部台-平宜,血多,進攻硬爆塔首選,強烈建議升級埋長弓+4攻,8射程
成吉-全game最強英雄,除左血小,近乎完美,強烈建議升級埋長弓+4攻,8射程,要特別留意殺數,因為太高攻,好易爆殺死
唔多實用小技巧:
點睇對手用左真爆(基地自爆系統)未?
如果地圖見到對手個真爆,點自己一隻兵,再指住對手個真爆,如果係仲係到,個指標會變左做劍(可以攻擊)
黑暗時代民兵引兵
用一隻民兵按不還擊係對手門口巡邏(通常係,2,3,6,7p位)咁對手出來d兵就會比你1隻民兵引左去,補兵速度自然會慢左
民兵時代人地上左城堡你上唔到咁點算好?
*******記住千其唔好打算用封建兵打城堡兵,咁同送食無咩分別,亦係EVO最29架行為.******
方法1:等同盟比石
方法2:等16分鐘賣木(記住要留木唔好升塔,咁一上完城堡,再殺夠100石,應該可以夠石上帝王兵)
方法3:夠木時買破壞者殺人,如果好彩殺到一隊應該即時夠石上城,如果唔好彩.....
新手唔夠老手打,好多時係輸技術-控兵,輸經驗-唔識點攻/防,用錯兵種
技術-個人認為練多d綠亞,玩劇情唔係咁磨練到技術,當然控兵係最重要一環,唔係話一味用z行出去就係技術
經驗-真係要玩多d,睇民族估對手用咩兵種,要把握時機,幾時要攻,幾時要守,
最重要都係team work,無team work你幾神都要死 |
發表於 16-8-2010 23:43:57
收藏
轉播
分享
淘帖
支持
反對
變色卡
樓主
