本帖最後由 RZero 於 7-1-2011 20:12 編輯
鑑於近日evo新手增多
本29決定推出一份evo攻略
首先, 最基本嘅野請參考ng大大所推出嘅教學
之後呢, 就要由基本入手
文明
文明大致上可以分做4類
1. 步兵國
2. 弓兵國
3, 騎兵國
4. 萬能
我會每個國家講下佢大致上分析下同講埋屬於邊一類
土耳其: 步,弓,馬都齊攻防, 不過因為升lv4兵會自動研製化學, 所以有利弓兵,
有安息人戰術(註二), 馬弓亦有利
不列顛: 步,弓,馬都齊攻防, 但由於文明科技關係, 弓兵距離大大提升, 所以屬於弓國,
但欠缺對弓兵最重要嘅拇指環
中國: 步,弓,馬都齊攻防, 屬萬能文明
日本: 步,弓齊攻防, 馬齊攻但少1近防2遠防, 步兵攻速較高, 屬步國,
有安息人戰術(註二), 馬弓亦有利
匈奴: 馬齊攻防, 步,弓齊攻但少1近防2遠防, 基於只有馬齊攻防,
故使用騎兵比較有利
西班牙: 步,弓,馬都齊攻防, 屬萬能文明
波斯: 步,馬齊攻防, 弓齊防但少1攻1距離, 故此不適宜使用弓兵,
另外戰象速度較快, 可考慮使用戰象作最後戰力
法蘭克: 步,馬齊攻防, 弓缺少1攻1距離,拇指環以及1近防2遠防,
不適宜使用弓兵, 步兵有缺憾, 少10%行走速度,
騎兵+20%生命值(註一), lv6兵種闊魯實也另外有能力加成, 所以推薦使用
阿茲特克: 步弓齊攻防, 弓兵缺少1近防2遠防以及拇指環, 騎兵什麼科技也沒有....
另步兵因文明科技+4攻, 所以絕對屬於步兵國
(p.s. 阿茲特克因科技關係, 主塔是比其他國家少350血量)
拜占庭: 弓兵齊攻防, 步,馬齊防但缺少2攻, 弓兵比較有利, 但因文明科技,
lv4的拜占庭聖騎兵的攻擊力絕對不容忽視
另外拜占庭城牆血量較多, 主塔一開始的血量亦較多
哥德: 步,馬齊攻但少1近防2遠防, 弓齊攻防但沒有拇指環,
而因文明關係, 步兵對建築物+1攻擊力(註一)
而哥德係冇辦法起城門, 所以遊戲設定係哥德內城門被破壞會有石頭獎勵,
升lv4兵種時也會送一隻lv3的劍兵勇士
條頓: 步,馬齊攻防, 弓少1攻1距離以及拇指環,
但騎兵缺少10%步行速度, 故推薦使用步兵
此文明一開始亦會附送較多城牆以阻礙對手
塞爾特: 步齊攻防, 馬少1近防2遠防, 弓缺少1近防2遠防,1攻1距離以及拇指環,
步兵行走速度+15%(註一), 所以推薦使用步兵
維京: 步,弓齊攻防, 馬少1近防2遠防, 但步兵血量較多, 所以推薦使用步兵
蒙古: 步齊攻防, 馬,弓少1近防2遠防,
但因安息人戰術(註二)以及文明加成(弓騎兵+20%攻速), 故屬於弓兵國
韓國: 弓齊攻防, 步少2攻, 馬少2攻1近防2遠防, 推薦使用弓兵
一開始因遊戲設定, 主塔攻擊較高
薩拉森: 步,弓,馬都齊攻防, 文明加成騎弓兵對建築物+3攻(註一), 步弓對建築物+1攻(註一),
而lv4的阿拉伯奴隸兵+30血量, 是不錯的兵種
註一 : 大部份非因為科技而令兵種有特別附加能力的文明加成, 均對英雄起不了作用
但日本的+步兵攻速, 維京的+步兵血量, 蒙古的+弓兵騎攻速仍然對英雄有作用
註二 : 安息人戰術不會對弓騎兵英雄起作用
講完文明
就講食兵進化
一開始民兵出法請參考上面嘅link
(p.s. 一開始第一隻民兵請企到中場, 如果捱到第一次中場獎勵的話, 有機會+20石)
之後食到有50石就要升lv2兵
揀咩lv2兵主要係睇自己咩文明, 想上邊隻兵同埋對家係咩文明
(所謂對家, 即係最近你嘅對手
1p同8p係對家
2p同3p係對家
4p同5p係對家
6p同7p係對家)
不過有時唔好俾自己嘅文明所限制
有時對手就係會針對你嘅文明而選擇對你不利嘅兵種
同時
即使你lv2上左一種唔符合你最後想要嘅兵種
但係時間尚早
要轉都係可以嘅
(建議新手最多熟稔一下合兵表)
假設你lv2上步弓, 最好搵步弓同馬打
如果上弓, 就搵弓同步黎打, 不過見到馬都可以疊兵之後再打
如果馬, 基本上咩都打得, 不過對步會比較蝕底
(p.s. 用lv2馬記得轉返進攻狀態, 佢默認係堅守狀態..)
之後食夠100石就可以上lv3
呢個時候就比較考你全場觀
首先會講步兵
如果場上比較多弓兵
就建議上鷹勇士, 因為佢對付弓兵比較好,
劍兵勇士都可以, 不過之後條路比較難行
但係可以選擇升豹勇士再合哥王
條武就唔建議
場上比較多步
條武同劍勇都可行
不過劍勇會比條武蝕
但係上到lv4可以升豹勇黎剋制返
場上比較多馬
任你發揮
不過如果你選擇鷹勇士
就唔建議你係lv4嘅時候選擇哥德衛隊...
你會冇啖好食
到弓兵
基本上弓兵上lv3係睇文明同lv6做人
假設你想合lv6英雄書部台
當然上馬騎弓兵會比較合理
強弩兵同羽弓都有各自用處
當你lv2打輸左, 食唔夠100石嘅時候
如果出面比較少高弓防嘅兵種
建議你上強弩兵
好易幫你後來追上
強弩亦係lv3弓兵入面火力最強嘅一隻
羽弓
如果出面有人想剋死你而上鷹勇嘅時候
上羽弓就絕對可以打擊返佢
因為羽弓打步兵係有加成
羽弓上完精羽之後再合出黎嘅lv5英雄:神弓手
+齊攻之後更加可以防守lv5英雄:哥王
不過只限非日本/阿之/維京的文明
此3文明係3大步國, 用神弓對付佢都會好辛苦
亦都只限防守戰, 同埋一定要塞住城門+疊兵
齊攻防嘅神弓疊兵後
更加可以用黎應付任何lv5兵種(除左哥王)同
至於西火/土火/馬車等比較少人用嘅lv4弓兵
都有佢嘅用途, 其中土火比較少人用黎做主力....
通常只會用黎合兵
西火同馬車機動力同攻擊力都有咁上下
所以都可以係落後嘅情況下用黎急起直追
其中馬車守城能力更加係lv4弓兵之冠
因為身位大血又高
(p.s.個人認為強弩兵的進化:長弓兵實力不及強弩兵高....)
附註一句: 玩弓記得要拉兵
到騎兵
騎兵lv3就主要睇你想要咩lv6同埋出面有咩兵
首先
匈輕
如果你比其他人快一步上lv3/出面多弓嘅時候上匈輕係唔錯嘅選擇
不過匈輕食到上lv4嘅時候有好一樣好特別嘅野
就係你比其他人更早有殺人爆塔嘅能力
因為lv4嘅韃靼騎兵打建築物好有效
而另一隻lv4兵 西斥, 雖然打建築效低比韃靼低
但係係lv4入面都算唔錯
加上對付弓兵異常有效
配合阿拉伯奴隸兵雙出, 更是清兵組合之首
至於騎士
就真係淨係用黎一路食上lv5合英雄...
騎士嘅兩隻lv4都係比較平凡...
不過遊俠可應付嘅兵種比較廣
而遊俠都可以合做亨利五世
係一隻高防高攻高機動力嘅騎兵
駱駝騎兵
出面冇乜騎兵就唔建議上....
都唔知幾耐先會升到lv4
但係!
佢絕對係一隻先苦後甜嘅兵
因為佢兩隻lv4嘅戰力都唔錯
阿拉伯奴隸兵可以應付好多兵種
(不過就俾精銳條頓武士剋到正一正)
但冇lv6要奴隸兵黎合...
所以出完奴隸之後要額外從新再慢慢升兵
不過奴隸兵防守力都好強, 單出足以防守lv6的亞歷山大列夫斯基
同另一種身位較大/血較厚/防較高嘅兵雙出可以防守到lv6嘅闊魯實&織田信長
同清兵能力較高嘅lv5兵配合都可以應付到書部台
拜占庭聖騎兵對步弓好強
對步弓都可以食到
對騎兵都仲勉強....
對馬弓就.....
加上占騎後路就只係得lv5嘅阿提拉
本身阿提拉唔差
但係...
因為用阿提拉好少會升到佢嘅防禦...
所以實力想係lv5兵入面較差
(值得一提嘅係
阿提拉係同時有步兵同騎兵屬性
佢係會俾剋步兵嘅野剋...偏偏合阿提拉嘅占騎同豹勇都係剋步兵嘅- -....
佢身位都係計普通步兵身位)
不過阿提拉有個好處
就係lv6選擇比較廣
基本上lv3升lv4問題唔會太大
係睇你想合邊隻lv6
lv5都可以講下
首先講下lv5步兵先
哥王: 對住弓兵真係好好用, 不過對住其他lv5近戰會好勉強, 唔會食唔到,
但係建議冇乜弓嘅情況下唔好行呢條路, (維京文明有成389血....)
首荷: 近戰王者, 基本上lv5或以下嘅近攻兵係冇一隻贏到佢
不過缺點就係龜速同埋血少.... 俾弓兵盯上都好大獲
基特巴耿克: 自從出左哈羅得哈佐得之後先比較多人用
lv5近戰黎講只係可以壓制哥王, 對住艾西特都仲可以挑兩挑
打遠攻兵就比較有難度, 好處係600石合得,
可以趁對城堡兵仲有優勢時發圍
艾西特: 單計lv5兵步戰力入面比較實用係佢, 除左首荷之外對住其他2隻都有優勢
而且對住弓兵都唔會太蝕底, 對亨利五世呢隻高防兵都應付得黎
可惜出路唔好... 亞歷山大同威廉華勒斯都係比較難用得好嘅lv6
擲斧兵: 實力只有lv4, 不過只係需要400石, 唯一可以遠攻嘅lv5步兵
疊起兵上黎都算唔錯, 不過唔多建議用黎硬撼
到弓兵
領主: 數據好靚, 睇落攻好高, 實際上清兵效率比唔上神弓手
因為佢攻速奇慢, 加上血少, 好易俾人殺晒
神弓手: 初初合嘅時候實用性都唔係太高, 但係加齊攻同距之後真係兵如其名
基本上好多兵種對住你都會感到煩惱....
(玩步弓記住疊兵)
帖木兒: 好多人用黎同蒙古突騎比較
帖木好處係血高, 冇咁易俾人清
但係攻擊力比起蒙突低
+上大部份會玩弓騎嘅文明都有安息人戰術
而呢個科技對帖木冇效
再加上lv5出兵速度慢過lv4
好多人會選擇用蒙突食兵
騎兵
亨利五世: 高動機高血高防高攻, 一隻好好用嘅lv5騎兵
打擊面好廣, 不過人地一出奴隸兵就要小心
阿提拉: 本身係唔錯嘅兵種, 可惜要提升佢嘅防就要另外再俾石
令到佢實力大減
好處係身位夠細, 以致攻擊力總和比較高
不過會俾剋步兵嘅兵種剋
貝查德歐力斯: 個人認為比亨5更好用, 血比亨5高, 攻擊都唔比亨5差
係防禦冇亨5咁高, 但係!!!
奴隸兵打佢係冇加成, 而且只需600石就合到
出路都比亨5多
所以實用性比亨5更高
戰象: 實力達lv6嘅lv5騎兵
血高攻高, 不過太慢...
如果文明唔係波斯唔多建議用
用黎趁其他人未合lv6嘅時候殺人係唔錯嘅選擇
可惜人地一出奴隸就好難攻入
兵種大致上就介紹完
係到提一提大家
大部份時候lv5兵雙出嘅威力會俾單出好
原因1: 如果雙出兩種打擊面唔同嘅lv5
咁樣食兵就可以食得更快
原因2: 出兵時間減半
到lv6
lv6兵係大多數玩家嘅最後目標
都係計成本效益最高嘅一個階級
照舊介紹下兵種先
步兵
鐵槌查理斯: 實力最高嘅lv6步兵, 守城王者
清兵同爆塔速度都奇快
唯一缺點就係行得比較慢, 要求技術比較高
記住出埋駱駝騎兵+2攻
用黎攻人嘅時候記住要清兵
一路清兵一路向前推進(註三)
直到清到一大半嘅時候就可以半隊爆牆/門, 半隊繼續清兵
之後就可以爆塔(最好入塔底, 不過入唔到都可以就咁企係到爆)
不過都記住分返10隻出黎清兵
仲有, 記住疊兵
哈羅得哈佐得: 機動性最高嘅lv6步兵, 爆塔效率唔會比鐵查慢
而且行得快, 有利偷襲同回防
可惜, 佢比起鐵查易守得多
一黎佢血少
二黎當哈仔同哈仔嘅攻擊目標之間有其他敵方物件係到嘅時候
會有部份攻擊力轉移左落去其他敵方物件身上
所以哈仔打建築一定要係痴埋去先打
同鐵一樣, 要清兵, 要疊兵(註三)
織田信長: 惡魔織田... 攻擊力同攻速係evo入面最高
爆塔速度都係最快
即使只得10隻入到塔底, 都要即刻用基地爆....
可惜推進力比哈同鐵低好多, 好易俾遠攻兵守到
一有機會就要入塔底
用織田黎守城好考你走位
最好就分隊手控
威廉華勒斯: 血牛, 攻擊力都唔錯
可惜身位太大, 攻擊力總和唔係太高
適合用黎同對手慢慢磨入去嘅一隻lv6
攻城嘅時候一定要keep住補兵
其他冇打兵/打門嘅兵就要keep住打牆
方便搵空位入內城
見到有位就要入去爆塔
不過要留返最少半隊清兵
守城方面就要擅用身位
阻住對手唔俾佢入內城
弓兵
書部台: 機動力高, 身位大, 血量中上, 守城佳品
攻城時最好先清兵(註三)
可惜爆塔速度對比其他大部份lv6都算係比較慢
要多補兵
羅賓胡德: 唯一好處就係高攻, 射程遠
血少, 控兵不佳就會好易俾人清
行得慢, 不利走位補兵
對攻城器冇攻擊加成
易俾衝車殺死
攻城時要求走位技巧相當高
一旦俾人整散隊形就好易俾人清兵
射塔時一定要搵掩護同疊兵
如果清到兵就清
守城最好用散陣黎防車
騎兵
闊魯實: 機動力高, 血高攻高
實力相當唔錯
攻嘅時候見有路就搵一少隊入去爆塔
其他繼續清兵
假如對手出奴隸兵就最好先清到咁上下再爆塔
守城時記得要分開幾隊黎巡邏
(其中一隊要係留係內門入面做backup)
咁樣對住哈鐵書羅呢類遠攻兵都可以有效守到
不過要求走位技巧高
守城重點就係要整散隊方嗰陣, 同限制對手走位
基本上做到後者就好易做到前者
阿歷山大: 機動力高, 血高防高, 攻一般
ffa之中比較難用嘅一隻兵
可以當係威廉同闊嘅合體
攻城方法同威廉一樣靠磨, 都係有位就要入去爆, 其他keep住清
比威廉差嘅就係俾奴隸兵剋
不過好處係速高, 方便補兵
守城方法同闊大致相同
不過守城能力比闊弱, 因為攻較低
註三: 其實大多數遠攻嘅lv6兵攻城嘅時候最好就係先清兵
咁做可以令對手完全冇晒還擊之力, 不過咁做容易爆kills
不過有例外情況
如果對手用嘅係較低攻嘅近攻兵(e.g.基特巴狄克)
咁樣就可以搵路直入疊住兵黎爆塔
因為對手清兵能力低
不過硬爆嘅時候, 就一定要疊兵
如果唔係對手都好易清兵
講完主力lv6
就講下一樣多數人唔常用
但係我就好鍾意用嘅野:攻城器
唔好睇少佢
好多時候就係靠佢扭轉局勢
先講衝車
打弓兵必備
記住衝車行先, 主力兵行後
入到去之後衝車主打建築, 其他兵就清兵
唔建議將步兵置入車內
對住羅嘅時候衝車威力無可置疑
對住書嘅時候, 即使書打衝車有加成
但係都可以做到吸箭效果
慢慢推都一樣推得入
弩炮
守城神物, 對住血唔高嘅lv6兵好有效
攻城時其實都有用
可以放係主力兵後面用作清兵
咁樣一黎, 清兵速度快好多
都可以減低對手對我地主力兵做成嘅傷害
二黎主力兵可以專注爆塔
火炮
攻城神物
可以放係主力兵後面打牆
削弱對手防守力
都可以用黎射塔
不過要小心唔好咁易俾對手清晒d炮
仲有個用法
當你合左lv6騎兵之後, 而人地出左奴隸兵
火炮除左用黎射牆射塔之外
可以用黎打奴隸兵
令對手清兵效能下降
基本上兵種用法都大致上講晒
其實evo好考應變力
每種兵種都可以做到唔同效果
睇攻略只係令你知識增多
要提高實力
最好方法係實踐
有咩唔明可以係呢個post問
|
發表於 19-8-2010 19:44:40
收藏
轉播
分享
淘帖
支持
反對
變色卡
樓主