首先..呢個POST會係一個字海..所以我希望有人會認真解答..
如果閣下冇時間睇哂既話...請按上一頁離開
背景係發生係美國..我地2個都係係香港移民去美國..佢9歲到..我15歲到
事先聲明..D中文或者會有D錯字..同音字都會有..希望大家體諒
我同我女朋友一齊左都已經2年幾..下個月就3年..
一真以黎佢都係好細膽既人...但我其實都慣左..不過有陣時我都會好嬲好嬲
例如有一次..好耐以前佢同我講有一次係教會(佢信天主教)
佢比其中1個叫jermey既男仔冇啦啦攬住左(我女友冇反抗到..只係笑騎騎當冇野發生過因為D教友好鐘意咁做)
佢咁同我講..我緊係慶到火屎啦...係MSN發Q哂脾氣
之後佢不凸止冇氹返我...反而係MSN到同我嘈..係咁幫住果個叫jermey既男仔
又話呢樣又話果樣...根本都冇放我在眼內
果次我地嘈左好耐..而我對呢個jermey極度反感(我女朋友都應該知)
之後我地好返....
果陣時一齊左都差唔多1年..但係我地連一張合照都冇
所以我都有同佢講不如影D相..佢樓樓檸檸..(係人都get到佢唔想啦)...okkk fine
然後呢個jermey又出現...我竟然發現到佢地(我女朋友同佢)有張合照
於是我就問我女朋友點解...我女朋友竟然同我講話jermey好想同佢有張相...係FOR我女朋友既BIRTHDAY
我真係好嬲..嬲唔係嬲在佢同1個我極度唔鐘意既人..1個攬過我女朋友既人影相..
而係我唔明點解我身為佢男朋友..佢唔想同我影相但又走去同jeremy影相just because 佢想??
仲有好多好多野想講..
同佢開始果時..我係15歲佢係14歲...到左今時今日我已經18佢17
由於佢係獨生女(有個阿哥)..佢阿爸阿媽對佢都好嚴..要出街都要問3問4..我都慣哂..我體諒佢..
什至乎有時我約佢..想2個人出街拍下拖..佢都要帶多1個女仔出黎..我都忍忍忍忍忍佢
但係當我地3個人出到黎果時..我女朋友往往都成日忽略左我..例子我有大把..
有1次我同佢出街..佢帶左個女仔叫shirley(事前我都知)..但我唔知果日佢地想/會做D咩..
點知我地一見面...佢地話要去買生日禮物比朋友..okk fine..我渣車送你地去..到達目的地之後
佢地2個有佢地行..我有我係後面跟..成隻狗咁..之後入到間鋪頭..賣既野全部都係D細路仔野..玩具..精品果D
我行左一陣自己出左去搵地方坐(果陣時我都已經嬲嬲地..感覺到我係the 3rd person even though this is meant to be 我同我女朋友既拍拖time)
我女朋友竟然好似唔記得有我既存在...10分鐘之後先發覺鋪頭入面唔見左我..先識出黎門口搵下(間鋪頭係1個長方形..一眼睇哂)
跟住我都繼續忍..冇係條街到同佢嘈...
之後我同佢講你地繼續買生日禮物..我返去架車到等
泊車本來泊到2點..我地3個人都知..點知1:50分果時send sms比佢..佢覆我話當失左路
okk..落車入多半個鐘之後去搵佢地...點知轉個頭5分鐘就見到佢
上到車之後..shirley都識出句聲同我say sorry..起碼都有返D禮貌..
我女朋友?????? 1粒聲都冇出到
返到屋企我地緊係又係MSN到開火啦...佢又有豬多值口..又呢個又果個
我完完全全覺得果日我其實係做緊佢地既的士佬送佢地去買禮物..
係MSN到同佢講how i feel...佢又成日都係答oh或者lol或者lol k或者if this is what u think then ok
佢究竟想我點呢??...1句氹下我既說話都冇??..是但UP D野呼顯下我就算?
好啦..之後plan過另外一次..今次係去shopping
都已經早2個禮拜同佢講左..叫佢prepare下..如果真係要搵第3個人..叫第3個人搵第4個人所以我同我女朋友可以一齊..第3同第4個人可以係埋一齊
佢仲答我OK
點知到左出街果日...又係我,佢,shirley呢3個...大家都知到跟住發生乜事啦~~
我地11點幾到左個mall...食下野12點開始行..由頭到尾我都係到忍
行到半路口乾..去買野飲..一路飲一路行..去到間鋪頭我女朋友唔知有心定無意衝口而出講左句..
"不如你幫我地2個拎住杯野飲係出面等..我地2個入去睇下" <--- 好笑丫呢??
好彩!!! 冇發生到...咁之後又繼續佢地有佢地行..我有我係後面跟啦..
我都好唔耐煩..捉左我女朋友過黎問幾時先到我地2個??..佢話3點..我話ok laa(果陣都已經2點幾)
到左3點..冇錯..shirley係走左..但係我女朋友講左句.."我阿媽4點黎接我"
當堂冇哂mood...我由11點幾跟到佢地3點..大大話話成4粒鐘..到頭黎我得返1個鐘??
我果時都廢Q時行..自己渣車返歸
返到屋企又係開戰啦..佢又係有佢既原因...成日都覺得自己冇錯
我就越黎越嬲..講野既語氣唔同左(有粗口啦)...跟住佢就會調轉個槍頭話我做乜咁同佢講野
佢永遠都唔會諗下點解我要用咁既語氣..正係識一味駁咀..永遠都唔覺得自己有錯
問佢點解成日都要搵多1個人出街..佢答我.."咁我咪可以同阿媽講我係同個女仔出街囉..之後佢咪唔會問咁多囉"
問佢點解唔可以呃下阿媽話同女仔出街(但其實係同我)..佢話唔想呃阿媽喎~~~
到左近排佢煩緊大學既野..佢報左8間大學
5間reject左佢..1間收左..1間未覆..1間將佢放左落waiting list
佢果個禮拜好唔開心..MSN傾計都係一句起2句止..有時佢發下脾氣我都會體諒佢
有嘗試話安慰過佢..但佢唔領情..最後係1張acceptance letter from果間未覆既大學令到佢開心返
之後佢又係當冇事發生過..果1個禮拜佢有講過難聽既說話..但佢連一句sorry都冇同我講過
我真係覺得好冇引- -覺得自己好似係廢咁..佢唔開心=唔需要我同埋向我發脾氣
開心果時=扮冇野搵返我...永遠唔會氹返我=.=
而家我都大個左..18歲...讀緊大學返緊part time..
時間變左好小..我星期1-4要返學..老闆本身叫我返星期5,6,日
但我心諗1個星期得7日..1-4返學..5-日返工..咁咪冇時間陪女朋友囉??
所以我就同老闆講唔返星期日..點解星期日?? 係因為我女朋友要係1間中文學校到做義工
佢阿媽知道既..放心比佢去..所以我都成日偷雞去見佢..到佢夠鐘果時就返屋企
但係星期5,6果時我都會掛住佢...我返餐館既..晏就冇客果時有break time..果時我會打比佢傾下計..
夜晚放工..冇論有幾攰我都會打比佢聽下佢把聲..睇下佢點
但係點知有一晚放左工..我打完比佢..傾完電話..返到屋企開MSN
見到佢打左一句"i don't know why but whenever i am on phone with you i am sleepy"
呢句真係好傷我既心..我返完工咁攰都想打比佢..佢竟然話同我傾計搞到佢好眼訓喎
第2日係星期6..我BREAK TIME同放工都冇打比佢...佢打左比我問我咩事..
我一五一十同佢講...佢又係冇氹我囉...講左句"if you don't like what i said, just pretend that i have not said it"
吹到bbbbbbbbbbbbbb一聲- -..搞到我果晚都訓唔著
已經18歲返緊工..賺到錢既..有時出街食lunch都唔想同我女朋友計得咁清楚
但係佢對錢銀呢樣野好敏感..有時一兩蚊都要計得好清楚..我其實都幾反感- -
for example..出街食lunch..10蚊埋單..佢死都要比返5蚊我...睇場戲7蚊1張飛..佢點都要比返我
我同佢講...不如你草起D錢..第時買禮物比我咪又係一樣?
佢話 "唔得!! 我唔洗你幫我草錢!!"
如果食lunch唔比果5蚊我...睇戲唔比果7蚊我...呢10幾蚊佢話用係其他地方
問佢點解..佢答我 "我唔草錢!! when i run out of money, i will go ask my parents and they will give me more!!"
講真..佢講呢句野既時候我個心真係打左個凸..咁既價值觀都有既-.-??
仲有樣野未講..
其實男仔都好想自己個女朋友識整下野食..甜品..因為咁樣會加好多分(我認同)
我有時都會煮下野食同佢一齊食..增進下感情
有1次我女朋友係學校學識點整面包..返到屋企整左比佢阿媽食..佢地話好好食喎..
咁我都緊係想試下架啦..叫佢留個比我星期日試下<--(其實想問下D女仔..就算你地男朋友冇講到..你係咪都已經想留個比佢試下?)
之但係呢..到左星期日我地見面喇..我lunch都冇食真係想試下佢既手勢..
佢竟然答左我一句"i ate the last one this morning for breakfast"
其他人食左我都冇咁嬲..但原來係佢- -..佢留都冇留過比我..最後果舊都係佢食埋- -
咁耐喇..同佢一齊左都就快3年..我就係因為太愛佢先一次又一次咁比機會佢
但係佢一次又一次咁hurt我...一次又一次咁令我失望..一次又一次咁駁咀..
永遠都唔識氹返我...永遠都唔覺得自己有錯...
其實呢一段感情係咪已經注定左冇將來?
呢一段感情..如果你係我...係咪已經分左手好耐..? |
[複製鏈接]
發表於 18-4-2011 00:34:40
收藏
轉播
分享
淘帖
支持
反對
變色卡
發表於 19-4-2011 17:05:13
