查實港服唔算太差姐...

nicktsh

今次佳節G1預備咗一連串嘅活動俾大家，希望可以吸引到d新手，同埋留番住老手，但係始終都好多人對呢d活動無咩好感... 老實講吖，我都有少少不滿，就係個送SR嘅活動啦，明明係佳節呀嘛，邊有人（正常人）會日日打十場姐，之後個獎品又同之前聖誕個陣嘅獎品一模一樣，有d小失望，因為本來以為有007或者妖天使抽嘅，但係算啦，橫掂我都應該唔會去做...
但係今日得閒，就想去睇下其他服有d咩新意啦，有d打算開多個服玩（前提係如果有送007／其他心儀機嘅話），就去咗國服（近排最hit嘅），台服，同埋d歐美服睇下佢哋嘅活動通告啦，睇完之後，我個人認為，港服今次嘅活動，係做得最好，最益d老手架啦...

首先講國服啦，
係，佢哋嘅首發係好犀利，但係問心啦，佢哋d活動（我係話新年嘅）冇港服咁好... 講晒全部活動做好晒時間啦，就揀幾個比較突出嘅嚟講啦。同港服一樣，佢哋都有「新年衝衝衝」類似嘅活動，分兩個階段，一個階段七日。咁究竟送咩呢？第一個階段GB，第二階段就200經驗果啲嘢。台服嚟，就有送機，不過都係d ABC機，雖然唔需日日打，但係都係更冇吸引力。相比起，係港服你仲可以揀SR等機體（雖然無咩吸引力），SS設計圖，GB或者機庫，係咪好好多？

之後，國服就有送祝福換1000經驗嘅活動，台服就有升級送禮嘅活動，而港服就直接送機俾新手，對於新手嚟講都算係好事。至於老手，港服就直頭送機庫，GB，仲可以抽獎兩次，都算係做得唔錯嘅，仲有最值得一提嘅就係日日有『紅包』囉，呢個係國台服都冇嘅。

至於日任改咗，呢件係冇辦法嘅，事關其他服早就改咗，G1只不過係代理，冇得話人哋改佢唔改呀嘛。講句公道話，根本就唔可以怪G1。

其他d活動我本身就覺得唔值得睇啦，冇咩特別。至於歐美服...仲死，係咁出現問題一直維護，我都費事講。問心個句，我個人認為G1今次係有心攪好呢個活動嘅，但係唯一嘅缺點就係好少人啦，但我相信如果G1真係放個心去做係有得救嘅。但係講真，有d羡慕國服就快有00Q fs了。以上係我個人嘅感覺，有d人自然唔會認同，希望你哋唔好擦啦...歡迎入嚟討論

fung307

活動正既原因係為挽回老玩家既信任
加上又唔肯出電視廣告~又點會有小學雞入坑

nicktsh

活動正既原因係為挽回老玩家既信任
加上又唔肯出電視廣告~又點會有小學雞入坑 ...
fung307 發表於 29-1-2014 22:47

其實我相信其他服d玩家都同我哋一樣，係唔係都會留意其他服嘅消息，有咁"正"嘅活動佢哋自然會係其他嘅論壇度得知，冇話新手就一定要係香港人嘅...就好似原本港服d玩家過到去其他服一樣，去到果度佢哋都係"新手"。

roy624

其實港服相比其他服既福利已經算好好,
甚至可以連韓服都贏埋(搶奪高達大作戰果次)
換個角度講,福利唔好以前又點吸引到咁多國服玩家落黎
作為玩家，有時活動有少少瑕疵就唔咁挑剔，知足下啦

aten9912

我就希望G1 KEEP住個勢繼續出活動,最好個個月都有

大節一定要睇頭,平日月份就算冇大日子,唔特別既活動

就算送D野唔多,起碼有返D令大家

g1/玩家等等會有不少互動成份的活動,會令sd界活躍好多

到時新手又問老手,老手又問g1,個個郁下郁下自然多人玩

如果樂古每個月都有返個g幣特價我覺得都唔錯

樣樣慢慢黎,兩邊都一定會開開心心,和和氣氣啦

最後服務可以KEEP住呢個勢,日後多返人玩一定唔係難事

nicktsh

我就希望G1 KEEP住個勢繼續出活動,最好個個月都有

大節一定要睇頭,平日月份就算冇大日子,唔特別既活動

就 ...
aten9912 發表於 29-1-2014 23:48

係。如果G1真係搞得好我哋係有眼睇嘅，好自然人流就會返嚟架啦。時不時搞d益下老手嘅活動梗係最好，好似今次咁真係搞得好唔錯，至少睇到佢嘅用意。

flydargon(uo)

打咁大篇跣稿出來做乜, 一句  , 公會系統呢!!  講完

nicktsh

打咁大篇跣稿出來做乜, 一句  , 公會系統呢!!  講完
flydargon(uo) 發表於 30-1-2014 00:52

你係咪想講研究所系統...

tszchun95

除左太少玩家之外都無咩大問題

199xabc

玩家主要係用台服同港服作比較

玩台服最大好處係G幣扭蛋易中S機,
我玩一日都抽到獄天,00Q,療天,妖天
btw,G幣很缺,一次幸蛋都3200G,同埋一次活動都係送幾千G
所以我次次玩台服都係開新AC拎新手獎勵G幣抽蛋

港服就睇你長遠目標,
好似每個月都有送幣活動,
不過要你每日10場,有時要連續10日,
真係要睇你對隻GAME有冇愛(BJ除外)
當然港服會有直接送機活動,不過幾個月出一次(今次唔知G1發乜神經連出2次)

其實各有各好,
唔係成日上線可以選台服,
有心成日玩,港服的確唔錯
(玩家態度我就唔知,近排先玩返)